Qaraǵandy qalasy Qazybek bı atyndaǵy aýdan prokýratýrasy komersıalyq maqsatta jer berý kezinde jergilikti atqarýshy organdar tarapynan buzýshylyqtar oryn alǵanyn anyqtady.

Iaǵnı, Qaraǵandy qalasynyń ákimdigi «Memlekettik múlik týraly» zańnyń 62-1-babyn buza otyryp, baǵalaý rásimin júrgizýsiz buryn alynǵan jer ýchaskeleriniń ornyna turǵyn emes úı-jaılary bar kóppáterli turǵyn úı salý jáne ony odan ári paıdalanýǵa berý úshin komersıalyq maqsatqa 14 jer ýchaskesin bergen.

Osy oraıda, baqylaýshy organ:

«Prokýratýranyń narazylyǵy boıynsha qala ákimdigi joǵaryda atalǵan qaýlynyń kúshin joıý týraly talaptardy tolyq kólemde qanaǵattandyrdy, quny 158 mln teńge bolatyn 4 ga komersıalyq maqsattaǵy 14 jer ýchaskesi memlekettik menshikke qaıtaryldy», dep habarlady.

Odan bólek, Qazybek bı atyndaǵy aýdan prokýratýrasy uzaq ýaqyt boıy paıdalanylmaı jatqan komersıalyq jerdi anyqtady. Ol Jer kodeksiniń 92-babyna sáıkes, qurylysqa arnalǵan jer ýchaskesi maqsaty boıynsha paıdalanylmasa, onda mundaı jer ýchaskesi májbúrlep alyp qoıýǵa jatady.

“Qadaǵalaý aktisi boıynsha kadastrlyq quny 1,1 mlrd. teńge quraıtyn osy jer ýchaskeleri memleket menshigine qaıtaryldy”, – delingen aqparatta.

İri kásipkerlerdiń biri 2018 jyldan bastap jalpy aýdany 32 ga bolatyn 6 komersıalyq jer ýchaskelerin ıgerýge sharalar qabyldamaǵan.