Nazarbaev ýnıversıtetiniń taǵdyry men Qazaqstannyń keıingi urpaǵynyń bolashaǵy "pyshaqtyń ushynda", dedi JOO-nyń burynǵy prezıdenti, búginde qamqorshylyq keńesiniń múshesi bolyp otyrǵan Shıgeo Katsý.

"Ókinishke qaraı, sońǵy oqıǵalar Nazarbaev ýnıversıtetine qatty kóleńke túsirdi. Kóshbasshylar toby, onyń bolashaq quramy, bedeli men qyzmet baǵyty týraly belgisizdik jaǵdaıynda. Qarjylyq mindettemelerdiń qysqarýy jáne úkimettiń ınstıtýsıonaldyq qoldaýynyń álsireýi saıası qysymmen ushtasyp, qazaqstandyq armannyń úlken kedergilerge tap bolǵanyn kórsetedi", – deıdi intellinews-ke arnalǵan maqalasynda.

Sondaı-aq ol JOO óziniń negizgi qundylyqtarynyń mánin saqtaı otyryp, osy problemalardy sheshe alatynyna ýaqyt tóreshi ekenin aıtady.

"Eger bul kedergiler joǵary bilim berýdiń osy jemisti jobasyn buzsa nemese tolyǵymen jutyp qoısa, onyń saldary Qazaqstan men Ortalyq Azıadan tys jerlerde kórinis tabady", – dep esepteıdi ol.

Shıgeo Katsýdyń aıtýynsha, Nazarbaev ýnıversıteti postkeńestik keńistiktegi ınovasıalyq, reformatorlyq ınstıtýttar tizimine qosyla alady. Olar jarqyn bastaldy, biraq saqtala almady. Aqyrynda sátsizdikke ushyrady.

"Baqylaýshylar, sonyń ishinde ınvestorlar Keńes Odaǵy kezinde bolǵan naqty reformalar taǵy da uzaq kútýge týra keletinin túsine bastaıdy. Nazarbaev Ýnıversıtetiniń taǵdyry qazir pyshaqtyń ushynda. Qazaqstandyqtardyń jańa býynynyń bolashaǵy zor. Olar ózderi uıymdastyrǵan tragedıanyń naǵyz qurbany bolady. Bılik muny moıyndaı ma jáne olar oǵan jaýap bere me?". Maqala osyndaı suraqpen aıaqtalady.

Maýsym aıynda Shıgeo Katsý Nazarbaev ýnıversıtetiniń prezıdenti qyzmetinen ketti. Ol bul qyzmetti 13 jylǵa jýyq atqarǵan bolatyn. Qazirgi ýaqytta ol ýnıversıtettiń qamqorshylyq keńesiniń múshesi.

Jazda ǵylym jáne joǵary bilim mınıstri Saıasat Nurbek NÝ-ny qarjylandyrý tártibi ózgerissiz qalady dep málimdegen bolatyn. Al ótken aptada ol ýnıversıtet erekshe mártebeden aıyrylmaıtynyn aıtty.