Bul shara aıasynda aty-jóni qazaqy dástúrmen jazylǵan sábılerdiń attary atalyp, ata-analaryna syılyq tabystaldy.

QR prezıdentiniń "Ulty qazaq azamattarynyń tegi men ákesiniń atyn jazýǵa baılanysty máselelerdi sheshý tártibi týraly" jarlyǵy bar.

Onda Qazaqstan azamattarynyń tegi men ákesiniń atyn qazaqsha jazý tájirıbesin qazaq halqynyń qalyptasqan tarıhı dástúrine aınaldyrý qajettigi aıtylǵan.

– Búginde bul úlken tendensıa, ulty qazaq azamattar eshqandaı -ov, -ev jalǵaýynsyz birden memlekettik, ulttyq dástúrge sáıkes, balasyna aty-jónin berip jatady. 2023 jylǵy dúnıege kelgen 5504 sábıge dástúrge saı ata tegi berilgen. Sonyń ishinde 50-ge jýyq sábıdi búgin, mine osy merekeniń aldynda quttyqtaý maqsatynda jınap otyrmyz, dedi Semeı qalasynyń mádenıet jáne tilderdi damytý bóliminiń basshysy Marjan Bahatova.

Mundaı aksıa jyl saıyn elimizdiń barlyq oblystary men qalalarynda turaqty túrde ótip keledi. Byltyr Semeıde osy shara aıasynda 16 jasqa tolǵan azamattar marapattalsa, búgin sábılerge kóńil bólindi.