Bárin umytyńyz. Qoǵamdyq máseleni qoıyp,  saıasatty ysyra  turaıyq. Búgin aspan men jerdiń arasy túgeldeı bir taqyrypty talqylaýda. Jalǵyz taqyryp : GGG- Gennadıı Gennadıevıch Golovkın. Sarapshylardyń barlyǵy bir aýyzdan onyń taǵy bir jeńisiniń kýágeri bolamyz dep otyr. Golovkın rıngke shyǵady degende, onyń qarsylasy kim degen saýal qoıylmaıdy. Sebebi oǵan teń keler qarsylas joq.

            Golovkınge jeńilisiń dámin tattyramyn dep kim kelmedi? Ýaqytynan buryn «jerlegender» de boldy, qulatamyn dedi, syndyramyn dedi. Endi biri jedel járdem kóligin shaqyrtyp qoıyńdar, men ony múgedek qylamyn dedi. Bul agresıalarǵa Golovkın qazaqqa tán sabyrlylyqqa salynyp, jymıyp qana júrdi. Rıng kórsetedi dedi. Rıng kórsetti de. Rıng óziniń patshasyna adal. Al GGG -  patsha.

            Resmı túrde búgin, biraq ýaqyt kestesimen erteń tań erteń nokaýt patshasy jańa qarsylasymen shyǵady. Genadan taıaq jegen kóp qarsylastary sekildi ol da Golovkındi alǵashqy raýnttarda qulatamyn deıdi. Ol – Davıd Leme. Kanadalyq boksshy. Qazir jasy 26-da. Búginge deıin 36 jekpe-jek ótkizgen. Onyń 34-in jeńip, 31 nokaýtpen aıaqtaǵan. Sońǵy on jekpe-jegi ýaqyttan buryn aıaqtalǵan. Biraq Lemeniń 2 jeńilisi bar. Statısıkaǵa súıensek adýyndy qarsylas sıaqty. Biraq...

            Leme 2011 jyldyń 8 sáýirinde alǵashqy jeńilisin tapqan. Buǵan deıin 25 jekpe-jek ótkizgen. Onyń 1-eýin tóreshiler sheshimien, 24-in nokaýtpen aıaqtaǵan. 22 jekpe-jegi 2 mınýttan artylmaǵan. Bul jolǵy qarsylasy Marko Antonıo Robıo bolatyn. Leme Robıodan 7 raýndta jeńiledi. Al Rýbıo bizge jaqsy tanys sportshy. Ol Golovkınmen de jekpe-jekke shyqqan.  Esterińizde bolsa, osydan bir jyl buryn Golovkın Rýbıonyń túginen-túk qoımaı bar bolǵany 2-shi raýndta qulatqan bolatyn. Iá sońǵy úsh jylda Lemeniń deńgeıi ósken bolar. Biraq Golovkınde qaqqan qazyǵynda turǵan joq.

            Bul degenińiz Lemeniń qarsylastarynyń deńgeıi qanshalyqty tómen bolǵanynyń aıǵaǵy.  Leme endi-endi jarqyrap kele jatqan juldyz. Biraq onyń nokaýter ekenine de úlken kúmán týady. Lemeniń da Hassan N’dam N’jıkammen bolǵan jekpe-jegi sózimizge dálel. Jekpe-jek barysynda da Hassan N’dam N’jıkam 5 ret nokdaýdta bolǵan. Biraq Leme ony sońyna deıin qulata almady. Demek Leme nokdaýdynan keıin shabýyldy údete bilmeıdi. Al, kásipqoı boks úshin bul keshirilmeıtin qatelik.

            Davıd Leme týraly taǵy bir derek. Leme qazir bokstan góri kınoǵa kóp kóńil bólýde. Onyń talantyna shúbá joq. Biraq ózin ártis retinde kórsetken, shynymen myqty qarsylaspen tóbelesip  kórmegen qarsylastyń Golovkınge qandaı da  bir qıyndyq túsirýi múmkin degenge sený qıyn.

            Kanadalyq boksshynyń jeke ómirinen azdaǵan málimetter legin usynsaq. Leme Kanada  týylǵan. Qany lıtva-armenıalyq. Anasy – armıan qyzy. Ógeı ákesiniń tárbıesimen ósken. Qazir jalǵyzbasty áke. Lılıana esimdi qyzyn ózi tárbıeleýde. Uly men áıeli Reseıde turyp jatyr.  Bes tilde erkin sóıleıdi. Davıd jalpy sóılegendi unatatyn boksshy ekenin kórsetti. «Golovkın alǵashqy raýndtarda qulasa tań qalmaımyn. Rıngte arystandar aıqasy bolady»,- dep bir shýlatty. Alaıda, Golovkınmen shyǵarda kim ne demedi. Rıngtiń patshasy nátıjeniń qalaı aıaqtalatynyn jaqsy biledi. Biz de bilemiz.

Aıan MEIRASH