Taldaý barysynda «A» JSHS qaýipti medısınalyq qaldyqtardy shyǵarý jáne kádege jaratý jónindegi qyzmetterdi memlekettik satyp alýdyń 7 rásimi boıynsha jeńimpaz dep tanylǵany anyqtaldy. 

JSHS-niń kádege jaratý qýaty Astana qalasynyń mańynda ornalasqandyqtan, josyqsyz merdiger olardy zańda kózdelgendeı ár 3 kún saıyn óziniń kádege jaratý obektisine aparmaýǵa sheshim qabyldandy, biraq olardy Qostanaı qalasynda zańsyz qoımaǵa sala bastady. 

"Qaýipti qaldyqtardyń jınaqtalýy qarapaıym qaýipsizdik talaptaryn saqtamaı júzege asyryldy. Sonymen qatar, kásiporyn elordaǵa qaýipti júkterdi tasymaldaý úshin mamandandyrylǵan kólikti emes, mobıldi qosymsha boıynsha jalǵa alynǵan kádimgi júk kóligin paıdalandy", delingen Qostanaı oblysynyń mamandandyrylǵan tabıǵat qorǵaý prokýratýrasynyń habarlamasynda.

Osy fakt boıynsha Qazaqstan Respýblıkasy Qylmystyq kodeksiniń 332-baby 1-bóligi boıynsha sotqa deıingi tergeý bastaldy.