"Karakoz Bek (Jámılásh) tikeleı efırimdi kórip, "Meni tastamańyzdarshy, meni" dep shyryldaǵanymdy, jedel járdem kóligine meni kúshtep salyp áketkenine kýá bolyp, jan-jaqqa habar bergen. Muny estigen qanshama adam, bloger, jornalshylar barynsha dabyl qaǵyp, kóp jabyla ketti. Olardyń arasynda depýtat baýyrlarym Ermurat Bapı, Qazybek Isa, Abzal Quspan, Jarqynbek Amantaı, basqa da qany suıylmaǵan halyq qalaýlylary bolǵanyna senimdimin. Máselege tikeleı aralasyp, meni qutqarmaǵanda osy kúni jatar edim, óshkenshe sonda. Jyndyhanadan shyǵyp úlgermegenshe Qostanaıdan Áskerbek, advokat balam (jýyqta taǵy kelip ketti), Almatydan bloger, jornalshy jastar da keldi, únemi menimen baılanysta otyrdy.

Jan-jaqqa habar taratyp, júregi qazaǵym dep soǵatyndardyń ishinde Óskemennen Juldyz sińilim de boldy. Jyndyhanadaǵy eki kúnde eki ret kelgen Suńǵat, Meıram, shyǵarar ýaqytta alyp ketken Serik Elikbaı jerlesterim she? İlese úıime kelgen jerlesterim she?! İshinde belsendi jigittermen qatar qazaqtyń naǵyz zıalylary, rýhy myqty jornalshy baýyrlarym, obystyq máslıhattyń depýtatymen qosa boldy. Menimen birge bolǵan qanshama abzal azamattarǵa da stresten be (egip tastaǵan dárilerden be), rızashylyǵymdy sózben aıtyp jetkize almaǵandyqtan, jylaǵannan basqa ıshara jasaı almadym.

Arasynda "Baıhanov ketsin" dep urandatqany da bar! Arashalap álemjelide sóz aıtqandar she?! Óz arnalarynda sol azamattarǵa sóz bergender she? Bir aptadan keıin aı tolady jyndyhanadan shyqqanyma, biraq sol sát esime tússe áli kúnge deıin jylaǵym keledi...

Aıtpaqshy, maǵan repressıa máshınesin qoldanaıyq dep qulshynyp otyrǵan qala prokýrorlaryn da kórmedim, ádildigin aıtsaq. Baıhanov pen Sklár týraly sóz joq mynda, olar týraly basqa áńgime.

Qansha adamdar baılanysqa shyǵyp, meni qorǵashtap otyrdy. Qansha ózim bilmeıtin, tanymaıtyn adamdar qoldaý kórsetti. Al biletinderine, mysaly ózim jaqsy kóretin Aqerke qyzymnyń maǵan arnaǵan jazbasyna pikir jaza almadym, óıtkeni maǵan fb bermedi (qansha biletin qulyndarymnyń aty atalmaı qaldy, qapelimde esime túspeı)? Adam quqyqtary búrosynyń ókilderi, Merýert qyzym bastaǵan, jyndyhanaǵa kelgen quqyqtarymdy qorǵaýǵa?! Sol aýyr kúnderi óleń arnaǵan baýyrlarym! Serik Bolatbekuly, Ermek Narymbaev, Serik Álıuly, Erkebulan Nurlanbaevtar she, ońdy-soldy jazba jazyp, meniń máseleme el nazaryn buryp otyrǵan jelide? Sáýle Ábdiláhanqyzy she, onda men de jyndymyn dep jazǵan? Sońǵylaryńyz, keıin kórip qalǵandarym, qanshalaryńdy alda kóremin, abzal azamattarym meniń!!! Átteń barlyǵyńyzdy qushaqtaǵym keledi...", delingen jazbada.

Aıta ketsek, 2024 jyly 24 qańtarda Pavlodarda til janashyry Rýza Beısembaıteginiń oblystyq psıhıkalyq densaýlyq ortalyǵyna jatqyzylǵany belgili boldy. Bul habar jurtty dúrliktirip jiberdi. Aqyry eki kúnnen keıin ol kisi kóptiń nópirimen bosap shyqty. Rýza Beısenbaıtegi Kerekýdegi til janashyry retinde tanymal. Ol oblystaǵy birneshe jyldan beri memlekettik tildi mensinbeıtindermen kúresip keledi. Til janashyrynyń ádettegi áreketi bul joly, ókinishke qaraı, jyndyhana oqıǵasyna ulasqan.