Jańa zań jobasy Parlament depýtattary Memleket basshysynyń 2023 jylǵy Joldaýynda aıtylǵan energıa tıimdiligin arttyrý jáne «jasyl» tehnologıalardy engizý jónindegi tapsyrmasyn oryndaý maqsatymen ázirlendi.

   Májilis depýtaty Dúısenbaı Turǵanov:

  -  "Jańartylatyn energıa kózderin paıdalaný jónindegi shaǵyn aýqymdy obekt” uǵymy alǵash ret engizilip otyr. Bul – qýattylyǵy 200 MVt-tan aspaıtyn jel, kún jáne basqa da balamaly elektr stansalary. Tómen qýatty jańartylatyn energıanyń mundaı kózderin shaǵyn jáne orta bıznestiń, sharýa jáne fermer qojalyqtarynyń, sondaı-aq jeke jáne kóppáterli úılerdiń qajettilikteri úshin paıdalanýǵa bolady, - deıdi.

   Iaǵnı, mundaı qondyrǵylardyń ıeleri artyq óndirilgen elektr energıasyn energıamen jabdyqtaýshy uıymǵa sata alady. Ol úshin jańartylatyn energıa kózderi nysanynyń ıesi jeke kásipker retinde tirkelýge mindettelmeıdi. Elektr energıasynyń shekti baǵasyn Tabıǵı monopolıalardy retteý komıteti belgileıdi.

  Ýákiletti organdar kedergilerdi joıa otyryp, jańartylatyn energıa kózderiniń shaǵyn kólemdegi obektilerin jalpy elektr jelisine qosý erejelerin bekitedi. Sondaı-aq netto-tutynýshylardan elektr energıasyn satyp alý-satý boıynsha úlgilik sharttar ázirlenedi.