Qurmet qaraýylynyń bastyǵy eki el basshylaryna raport berdi. Qazaqstan men Armenıanyń memlekettik ánurandary oryndalǵan soń Qasym-Jomart Toqaev pen Nıkol Pashınán bir-birine resmı delegasıa múshelerin tanystyrdy.

Sonymen birge,  Memleket basshysy Armenıa Premer-mınıstrimen shaǵyn quramda kelissóz júrgizip, 10 qujatqa qol qoıdy. 

Atap aıtqanda, Qazaqstan prezıdentiniń Erevanǵa resmı sapary aıasynda mynadaı qujattarǵa qol qoıyldy:

• Qazaqstan Úkimeti men Armenıa Úkimeti arasyndaǵy kóshi-qon salasyndaǵy yntymaqtastyq týraly kelisim;
• Qazaqstan Úkimeti men Armenıa Úkimeti arasyndaǵy azamattardyń saparlary men bolý tártibi týraly kelisim;
• 2006 jylǵy 6 qarashadaǵy Qazaqstan Úkimeti men Armenıa Úkimeti arasyndaǵy halyqaralyq avtomobıl qatynasy týraly kelisimge ózgerister men tolyqtyrýlar engizý týraly hattama;
• Qazaqstan men Armenıanyń avıasıalyq bıligi arasyndaǵy ózara túsinistik týraly memorandým;
• Qazaqstannyń Mańǵystaý oblysy ákiminiń apparaty men Armenıanyń Armavır oblysy ákimshiligi arasyndaǵy yntymaqtastyq týraly memorandým;
• Qazaqstannyń Shymkent qalasy men Armenıanyń Vanadzor qalasy arasyndaǵy yntymaqtastyq jáne baýyrlastyq qarym-qatynas ornatý týraly memorandým;
• Qazaqstannyń Týrızm jáne sport mınıstrligi men Armenıanyń Bilim, ǵylym, mádenıet jáne sport mınıstrligi arasyndaǵy 2024-2026 jyldarǵa arnalǵan yntymaqtastyq baǵdarlamasy;
• Qazaqstan Úkimeti men Armenıa Úkimeti arasyndaǵy saýda-ekonomıkalyq yntymaqtastyq jónindegi 2024-2025 jyldarǵa arnalǵan Jol kartasy;
• Qazaqstannyń Sıfrlyq damý, ınovasıalar jáne aeroǵarysh ónerkásibi mınıstrligi men Armenıanyń Joǵary tehnologıalyq ındýstrıa mınıstrligi arasyndaǵy aqparattyq komýnıkasıalyq tehnologıalar salasyndaǵy yntymaqtastyq týraly ózara túsinistik týraly memorandým;
• Astana men Erevan arasyndaǵy baýyrlastyq qarym-qatynas ornatý týraly memorandým.