Gena! GGG!
Esimi álemge áıgili, ári brend bolyp ketken otandasymyz Gennadıı Golovkın keshe ǵana taǵy da elin marqaıtyp tastady. Áleýmettik jelilerde ol jaıynda: «Gen jalǵyz adam, qazaqstandyqtardy jeksenbi kúni tańerteń  ornynan oıata alatyn» -deıtin, jazbalar qaptap ketti. Shynymen de, alty kún jumystan sharshap kelip, bir kún demalysynda uıqysyn qıyp, otandasy úshin taqymyn qysqan halyqtyń mereıin kóterip tastaıtyn Genaǵa alyǵys sheksiz. Ózin – «qazaqpyn» -deıtin ulan úshin et baýyrymyz eljirep turmasa syrtqa teppesimiz anyq. Genadan áli de jeńisti sátterdi kútetin bolamyz. Qanat she...
Qanat she?! 
Qanat Islamdy bilesizder. Biraq ne istep júr, bokstaǵy jetistikteri qandaı, qaıda, kelesi qarsylasy kim deıtin suraqtarǵa jaýap bere alasyz ba?! Bálkim biren-saranyńyz jaýap berýge talpynatyn shyǵarsyzdar, degenmen bilmeıtinder men onyń atyn áli de bolsyn estip kórmegender bar. Qany –qazaq, ózi– qazaq, jany – qazaq! Ashyǵyn aıtqanda naǵyz qazaqtyń rýhyn kóterip júrgen azamat. Ol da shetelde júr. Qazaqtyń baıraǵyn kóterip, búgingi kúnge deıin áli jerge túsirgen joq. Jer ıiskep, jer sıpap kórgen joq. Sońǵy beıne-baıandaryna kóz júgirtip kórińiz, qandaı ádemi soqqylar men joıqyn-joıqyn shabýyldar. Keremet! Kórip otyryp súısinesiń! Tap keshe shashy jalbyraǵan Lememen Qanat shyqqan kezde Genaǵa jankúıer bolǵandaı adal bola alatyn ba edik?! Álde onyń da ákesi ne sheshesi orystan bolý kerek pe, álde Qanat minberge shyǵyp «Qazaqpyn» dep aıǵaılaýy kerek pe?! Qazaq ekenin kóz kórip, qulaq estip otyr. Endeshe qazaq bolyp nege qoldaý kórsete almaımyz. Nege ol jaıynda jarnamalar men jazbalar az. Kezinde Qanat pen Genany ortaǵa shyǵaryp kásibı turǵyda talastyrmaqshy da boldyq. Qandaı aqymaqtyq edi. Bul sor ma , álde ne?! Sol kezde Qanat: Genany «baýyrym» -dep, syılastyq tanytyp suhbat berdi. Al Genanyń jaýabyn bilesizder. 
Keshe tipti uıatty jaǵdaıda qaldyq. Áleýmettik jelide Genanyń myń sýretin salyp quttyqtaý jazyp otyryp, Arman Ospanovtaı baýyrymyzdyń jeńisin estimedik te. Estigen kúnniń ózinde Genanyń jeńisinen keıingi dúnıeden aryla almaı qaldyq. Meni mazalaıtyny bir –aq suraq: qazaqtan shyqqan geni – qazaq baýyrlarymyzdyń qadirin bilmeý ne óltirý (Bekzat Sattarhanov) qanǵa sińgen qasiret pe?! 
Toqsan aýyz sózdiń tobyqtaı túıini: Genamen maqtanamyz. Maqtanyshmyz. Biraq Qanattyń da bási belgili. Osy bir azamattyń jeńisin otandyq arnalardan jıi kórsek, onyń árbir jekpe-jekterin keshegideı «Ulttyq arna» men «Qazsport» keńinen taratyp berse, nur ústine nur bolar edi. Qanattyń qanatyn qaıyryp almaıyq, ol toqaldan týǵan joq!
Qazaqqa Qanat kerek!

Marǵulan AQAN, Facebook  paraqshasynan alyndy