Jurtshylyq Aqtóbe oblysy ákiminiń orynbasary Sara Nurqatovany uly laýazymdy qyzmet atqarǵany úshin jerden alyp, jerge saldy... "Nurotan" tipti jumystan ketýin talap etti... "Jumys isteýge moraldyq quqyǵy joq, qýý kerek mundaılardy", "tamyr-tanystyqqa balta shabý kerek", "bul ne sumdyq ózi ákimniń orynbasary, al balasy bilim basqarmasynyń orynbasary, óz ulyna ózi tapsyrma bergen be" dep julyndy bylaıǵyda aýyz ashpaıtyn tomaǵa-tuıyq keı "belsendiler"... Sara Nurqatova bolsa, baspasóz-máslıhatyn ótkizip, ulynyń bul qyzmetke adal jolmen kelgenin aıtyp aqtalyp baqty... Rasynda, anasy laýazymdy qyzmetke taǵaıyndalǵanǵa deıin ol jigit jastar departamentinde basshylyq qyzmette, bilim departamentinde qyzmet etken eken... Osy oraıda, Prezıdenttiń baıaǵy sózi eske tústi... "Meniń de balalarym barsha qazaqstandyq azamattar sekildi laýazymdy qyzmet atqarýǵa quqy bar..." Bul sózdi umytpasam, 20 jyl buryn aıtqan-tyn... Odan beri onyń balalary óz quqyqtaryn 100%-ǵa oryndap tastaǵanyna búkil qoǵam kýá boldy... Endeshe, týra osy mysal negizinde áńgimeni odan ári órbitsek, balalary túrli laýazymdy qyzmette otyrǵan bıliktiń bıik shyńyndaǵy shendi-shekpendilerdiń azamattyq quqyqtary eskeriledi de, aımaqtyq basshylarǵa kelgende "tamyr-tanystyq" ," jeń ushynan jalǵasqan jemqorlyq" bop shyǵa ma? 

Dına Túlekova, Facebook paraqshasynan alyndy