El Prezıdenti Qasym-Jomart Toqaev elimizdiń ınvestısıalyq tartymdylyǵyn arttyra otyryp, shetelden qarjy kózin tartýdyń jańa tetikterin qarastyrý jóninde udaıy aıtyp, tıisti tapsyrmalar berip keledi. Osy oraıda, Almaty qalasynda ınvestısıa tartýǵa qatysty keleli jumystar atqarylyp keledi. Qala ákimi Erbolat Dosaev Qazaqstandaǵy shetelderdiń Bas jáne Qurmetti konsýldarymen basym jobalarǵa ınvestısıa tartýǵa qatysty másele kóterdi.

Almaty qalasynyń seriktestikke árkez ashyq ekenin aıtyp, «Bir tereze» qaǵıdaty boıynsha keńes beretin Almaty Buisness Development Center ınvestorlaryna arnalǵan qalalyq front keńsesin usyndy.

Ondaǵy damý josparyna jedel qoǵamdyq kólik júıesin qurý júıesin qurý ındýstrıaldyq aımaqty 40 paıyz keńeıtý  men qaladaǵy ekologıalyq ahýaldy jaqsartý basty oryn alady.

Aýanyń sapasyn jaqsartý men megapolıstegi lastaný deńgeıin tómendetý boıynsha «Jasyl» jobalar men bastamalardy qurýǵa, sondaı-aq «Smart sıtıdi» qurýda jumys oryndaryn  ashý men sıfrly jobalardy damytýǵa  basa nazar aýdaryldy.

Sonymen qatar kezdesý barysynda Qazaqstan Respýblıkasy Sytqy ister mınıstrligi ókilderi, túrli elderdiń Bas jáne Qurmetti konsýldary sóz sóıleý barysynda Almatynyń qarqyndy damýy men halyqaralyq baılanystardy nyǵaıtýǵa qatysty pikirlerimen bólisti.

Nátıjesinde, strategıalyq áriptestik pen ornyqty ekonomıkalyq ósim Almaty qalasy úshin basty basymdyqtardyń biri bolyp qalady.

Sondyqtan da, Almaty qalasynyń seriktestik qyzmetteri arqyly megapolıstegi jumystar damıtyny sózsiz.