Beeline Qazaqstan jáne ZTE Aqmola jáne Túrkistan oblystarynda operatordyń radıo qol jetkizý jelisin jańǵyrtýdy sátti aıaqtady. FDD massive mimo tehnologıasy iri qalalarda engizildi, dep habarlaıdy "ZTE Kazakhstan" JSHS baspasóz qyzmeti.

Aqparattyq jáne komýnıkasıalyq tehnologıalar salasyndaǵy ıntegrasıalanǵan sheshimderdiń jetekshi álemdik jetkizýshisi ZTE Corporation Qazaqstannyń telekomýnıkasıa salasynyń jetekshi oıynshysy Beeline Qazaqstanmen jáne Veon Group enshiles kompanıasymen seriktestikte Qazaqstan halqynyń 25% -. qamtıtyn jáne trafıkti tutyný boıynsha kóshbasshy bolyp tabylatyn Aqmola jáne Túrkistan oblystarynda operator jelisin jańǵyrtýdy tabysty iske asyrdy. Bul aıtýly oqıǵa Astanada "Giga City: Qazaqstandaǵy sıfrlandyrýdy jedeldetý" atty resmı tusaýkeserimen atap ótildi.

Joba Aqmola oblysynda (Astana qalasyn qosa alǵanda) jáne Túrkistan oblysynda (Shymkent qalasyn qosa alǵanda) 1800-den astam bazalyq stansıa kóleminde operatordyń mobıldi jelisin jańǵyrtýdy kózdedi. Sonymen qatar, iri qalalarda FDD Massive mimo tehnologıasy engizildi. Bul sheshimdi engizý abonentter úshin 4G ótkizý qabilettiliginiń aıtarlyqtaı ósýine ákeldi, bul baılanys sapasyna oń áser etedi. ZTE jabdyqtaryndaǵy Beeline jelisin jańartý jobasy kesteden ozyp aıaqtaldy.

"Bizdiń sıfrlyq operator strategıamyz klıentterimizdi GIGA City jobasyndaǵydaı sapaly telekomýnıkasıalyq qyzmettermen ǵana emes, sonymen qatar olarǵa qarjy, oıyn-saýyq, bilim berý, densaýlyq saqtaý salasyndaǵy qyzmetterge qol jetkizýge múmkindik beretinine senimdimin. Biz munymen toqtap qalýdy josparlamaımyz. Biz ZTE-ge Beeline Qazaqstanmen radıo jelisin jańǵyrtý jobasyndaǵy tabysty áriptestigi úshin alǵys aıtqymyz keledi. Qol jetkizilgen joǵary nátıjeler Qazaqstandaǵy sıfrlandyrý jónindegi maqsattarymyzǵa qol jetkizýge kómektesedi", — dedi VEON Group bas dırektory Kaan Terzıoglý.

"Qazaqstandaǵy sıfrlyq transformasıanyń mańyzdy qatysýshysy bola otyryp, Beeline sıfrlyq álemde adamdardyń baılanysyn jaqsartý jáne múmkindikterin keńeıtý úshin ınovasıalyq ónimder men sheshimderdi engizýdiń aldyńǵy qatarynda boldy. Qazaqstanda mobıldik trafıkti tutynýdyń qarqyndy ósýi jalǵasýda, bul jeliniń ótkizý qabilettiligine ósip kele jatqan suranystardy qanaǵattandyrý jáne paıdalanýshy tájirıbesin jaqsartý úshin 4G neǵurlym tıimdi jelisin talap etedi. FDD massive mimo sheshimi-zamanaýı 4G jelisin ońtaılandyrýdyń qolaıly tásili", - dedi Beeline Bas dırektory Evgenıı Nastradın.

"Qazaqstan ZTE úshin mańyzdy naryq bolyp tabylady. ZTE Aqmola jáne Túrkistan oblystarynda Beeline-men birlesip iske asyrǵan Giga city jobasy "tiri jelide" kúrdeli tehnıkalyq mindetterdi tıimdi sheshý qabiletimizdi kórsetti. Jelilik ınfraqurylymdy tolyq jańǵyrtý uıymdastyryldy, onyń ishinde jelini bolashaqta onyń evolúsıasyna daıyndaý júrgizildi. Bul operatorǵa energıany únemdeıtin jabdyq pen saıttardy qashyqtan basqarý múmkindigi arqyly bolashaqta operasıalyq shyǵyndardy aıtarlyqtaı azaıtýǵa múmkindik beredi. Beeline-men seriktestikte biz Qazaqstandy sıfrlandyrýdy jedeldetýge, barlyq qazaqstandyqtarǵa sıfrlyq qyzmetterdi kóbirek usynýǵa jáne eldiń sıfrlyq ekonomıkasynyń ósýin yntalandyrýǵa tyrysamyz", - dedi ZTE Corporation bas dırektory Sú Szán.

İs-sharaǵa Qazaqstan Respýblıkasy sıfrlyq damý, ınovasıalar jáne aeroǵarysh ónerkásibi mınıstrliginiń ókilderi de qatysty.