Astanada Qalamgerler aleıasynda «Ulttyq oıyndar – babadan qalǵan asyl qazyna» is-sharasy uıymdastyryldy, dep habarlady elorda ákimdiginiń resmı saıty.

Otbasylyq oıyndar jarysynyń basty maqsaty – jas urpaqqa ulttyq oıyndardy nasıhattaý.

«Astana qalasy Ortalyqtandyrylǵan kitaphanalar júıesi búgin 5-shi Dúnıejúzilik kóshpendiler oıyndary aıasynda osyndaı is-sharany uıymdastyryp otyr. Bul jarys sol elimizde bolyp jatqan oıyndardyń jalǵasy ispetti. Elimizdiń abyroıyn asqaqtatqan sporttyq dodaǵa qosqan úlesimiz dep bilemiz. Merekege oraı kitap kórmesi de kópshilik nazaryna usynyldy. Maqsaty – ózimizdiń ulttyq oıyndarymyzdy ári qaraı damytý. Óıtkeni jasóspirimder babadan kele jatqan asyl muralarymyzdy umytpaýy kerek dep esepteımiz», - dedi Astana qalasy Ortalyqtandyrylǵan kitaphanalar júıesi basshysy Gúlbadam Mádibaeva.

Onyń aıtýynsha, qatysýshylar – qala mektepteriniń oqýshylary, ıaǵnı kitaphananyń belsendi oqyrmandary.

İs-sharaǵa 40-qa jýyq mektep oqýshysy qatysty.

İs-sharanyń ashylýynda «Elorda aqsaqaldary keńesi» qoǵamdyq birlestiginiń tóraǵasy Ánýarbek Eraly, Saryarqa aýdany Ardagerler keńesiniń tóraǵasy Erkin Nurǵazın jarysqa qatysýshylarǵa ulttyq oıyndardyń túrlerin aıtyp, mańyzyn túsindirdi. Sondaı-aq, jas sportshylarǵa sáttilik tiledi.

Úsh topqa bólingen jarys qatysýshylary toǵyzqumalaq, asyq atý, arqan tartý jáne suraq-jaýap oıyndarynda ózara baq synady.

Otbasylyq oıyndar jarysynyń qorytyndysynda úzdik shyqqan qatysýshylar marapattaldy.