«Ábil» fılminiń rejıseri men akteriniń Eýropadaǵy kınofestıvalge issaparǵa barýy týraly kóterilgen máselege qatysty, «Qazaqfılm» kınostýdıasy bizdiń fılmderimizdiń júldelerine árqashan qýanatynyna, kınojobalardyń avtorlaryn quttyqtaý boıynsha júıeli jumys júrgiziletinine nazar aýdarǵymyz keledi.Kınojobalardyń avtorlaryn quttyqtaý boıynsha júıeli jumys bar – bul áleýmettik jelilerde mindetti quttyqtaýlar.Jáne kınostýdıa ujymy mindetti túrde birneshe festıválderdiń qorytyndysy boıynsha fılmdi aıdyń sońynda quttyqtaıdy.
«Ábil» fılminiń avtorlarynyń saparyn qarjylandyrý máselesine kelsek, fılmderdi ilgeriletýge bólingen qarjynyń azdyǵynan «Qazaqfılm» kınostýdıasy fılmderdi ilgeriletý maqsatynda jekemenshik kınokompanıalarmen yntymaqtastyq tájirıbesin qoldanyp jatqanyn naqtylaımyz.
Bul fılm boıynsha seriktesimiz «Tanarıs» JSHS kınokompanıasy fılmniń komersıalyq satylymynan paıda tabýdyń maqsatynda fılmdi halyqaralyq kınonaryqtar men kınofestıvalderde ilgeriletý boıynsha qarjylyq mindettemelerdi moınyna alǵan.
Osyǵan oraı, kınostýdıa kelisim sharttaryna sáıkes shyǵarmashylyq toptyń saparyn qarjylandyrý úshin «Tanarıs» JSHS kınokompanıasyna habarlasqan, alaıda búgingi kúnge deıin «Tanarıs» JSHS kınokompanıasynan jaýap kelgen joq.
Osyǵan qaramastan «Qazaqfılm» de óz múmkindigine qaraı bul fılmdi belsendi túrde qoldap, qajetti kómek kórsetýde.
Kınostýdıa basshylyǵymen kezdesý týraly suraqqa kelsek, Kınostýdıanyń syndarly dıalogqa árqashan ashyq ekenin jáne biz «Ábil» jobasynyń avtorlarymen birneshe ret kezdesýler ótkizgenimizdi, Kınostýdıa múmkindikteri aıasynda kınogerlerge árqashan qoldaý kórsetetinin habarlaımyz.
Jerdi satý nemese «Qazaqfılmdi» qasaqana qıratý týraly bóliminde bul boljamdardyń barlyǵy burmalanǵan jáne ádeıi jalǵan aqparat bolyp tabylady. Sonymen qatar, mundaı áreketter stýdıanyń damý múddelerine qaıshy keledi jáne qazirgi basqarý saıasaty aıasynda josparlanbaǵan.
2025 jyldyń 25 aqpanynda «Sh.Aımanov atyndaǵy «Qazaqfılm» Ulttyq kınostýdıasy» AQ ǵımaratynyń aldynda (Almaty, Ál-Farabı dańǵyly, 176) ótken ruqsat etilmegen mıtıńige qatysty aıtatynymyz: mıtıńke jınalǵandar Qazaqstandaǵy anımasıa salasyn odan ári damytý jónindegi usynystarǵa narazylyqtaryn bildirdi. Anımasıa salasynyń damý bolashaǵyn túsindirý maqsatynda jıynǵa jınalǵandarǵa Kınostýdıa basshylyǵy túsiniktemeler berip, kelissózder qorytyndysy boıynsha anımasıa salasynyń ókilderimen keńeıtilgen jıyn ótkizý týraly sheshim qabyldandy.
Jalpy, «Qazaqanımasıa» SHB-niń Astana qalasyna kóshirý máselesi qaralýda jáne kásibı qoǵamdastyqpen mindetti túrde talqylanady.Bul negizinen qazir qarastyrylyp jatqan máseleler. Kınostýdıa buǵan deıin anımasıa salasynyń ókilderi úshin alǵashqy aldyn ala tyńdaýlardy ótkizgen bolatyn, kelesi tyńdaý taıaý ýaqytta ótedi dep kútilýde.
Josparlanǵan kóshirý suraǵy týraly anımasıalyq qoǵamdastyqta aqparattyń joqtyǵy máselesine qatysty aıtatynymyz: aǵymdaǵy jyldyń qańtar aıynyń basynda «Qazaqanımasıa»SHB-niń burynǵy basshysy Aıbıke Rahymjanovamen kezdesý ótkizilgenine, onda anımasıany odan ári derbes ónerkásip retinde damytý úshin «Qazaqanımasıa»SHB-in Astana qalasyna kóshirýmáselesi talqylanǵanyna nazar aýdarǵymyz keledi.
Biz barshany qazaq kınosy tarıhyndaǵy jańa betti bastaıtyn syndarly dıalogqa shaqyramyz.
