Polısıa kóshi-qon zańnamasyn buzǵan 700-ge jýyq sheteldik taksı júrgizýshisin anyqtady.

İshki ister mınıstrligi "Zań men Tártip" qaǵıdasyn qamtamasyz etý maqsatynda, kóshi-qon baqylaýyn nyǵaıtý jáne el aýmaǵynda kóshi-qon zańnamasyn buzǵan sheteldikterdi anyqtaý úshin "Qaýipsiz jol" jedel-profılaktıkalyq is-sharasyn ótkizgen.

"Kóshi-qon qyzmetiniń málimeti boıynsha, is-shara barysynda 5 kún ishinde 46 myń kólik tekserildi, 1 080 sheteldik azamat jeke tasymaldaýmen aınalysqany anyqtaldy. Olardyń 691-i mobıldi qosymshalar arqyly kóshi-qon zańnamasyn buzyp, jeke tasymalmen aınalysqan. 234 sheteldik azamat zańsyz eńbek qyzmetin júzege asyrǵany úshin, 457 sheteldik azamat QR-da bolý merzimin buzǵany úshin jaýapqa tartyldy", - delingen habarlamada.

Sot sheshimi boıynsha, 175 sheteldik taksı júrgizýshisi el aýmaǵynan shyǵaryldy. Olardyń 103-i jeke basyn anyqtaý úshin qabyldaý-taratý oryndaryna ornalastyrylǵan. Sonymen qatar, 38 qazaqstandyq sheteldik azamattardy zańsyz jumysqa tartqany úshin ákimshilik jaýapqa tartyldy.