Búgin - kompozıtor, dırıjer, Qazaqstannyń eńbek sińirgen óner qaıratkeri, Halyq qaharmany Nurǵısa Tilendıevtiń týǵanyna 100 jyl toldy. Qazaqtyń birtýar perzenti - 1925 jyly 1 sáýir kúni Almaty oblysy İle aýdanynda dúnıege kelgen. Nurǵısa Tilendıev qazaqtyń ulttyq óneri men mádenıetinde óshpes iz qaldyrdy. Kózi tirisinde halyq ánderi men kúılerin orkestrmen oryndaýdyń úlgisin jasaǵan.

Dáýlesker kúıshi «Otyrar sazy» fólklorlyq-etnografıalyq orkestriniń negizin qalady. Kúı qudiretin júrekke jetkizgen kompozıtor 400-ge tarta án men romanstyń avtory. 50-den astam dramalyq qoıylymǵa, 19 kórkem fılmge, 17 múltıplıkasıalyq, 14 derekti-hronıkalyq fılmderge mýzyka jazǵan. Artynda óshpes iz qaldyrǵan dara tulǵa osylaı qazaq ónerin álemge áıgilep, esimi tarıhta qaldy.