Atalǵan sot onlaın formatqa aýysty. Sot ókilderi halyqtyń tilek-aryzyn basty nazarda ustaıtynyn jetkizdi.

Taldyqorǵan qalasynda 2024 jyldyń qazan aıynda Talǵarda jasóspirimniń ólimimen aıaqtalǵan qylmysqa baılanysty sot prosesi ótip jatyr. Bul is qalalyq qylmystyq ister jónindegi mamandandyrylǵan aýdanaralyq sotta qaralýda.

Aıta keteıik, bul is boıynsha 9 adamǵa aıyp taǵylyp otyr. Olardyń biri – kámeletke tolmaǵan. Qylmys ornynan shalǵaıda qaralyp jatqanymen, Joǵarǵy sottyń komýnıkasıa bóliminiń málimetinshe, kúdiktiler Taldyqorǵandaǵy ýaqytsha oqshaýlaý ızolátorynda otyrǵandyqtan, proses osy qalada ótýde.

Qylmystyq is boıynsha aldyn ala tyńdalym 10 sáýir kúni bastaldy. Bul kúni sot zalynda taraptar alǵash ret júzdesti. Qaıǵyly oqıǵa 2024 jylǵy 4 qazanǵa qaraǵan túni Talǵar qalasyndaǵy dúken mańynda bolǵan. Tóbeles kezinde 16 jastaǵy bozbala pyshaqtalyp, aýyr jaraqat saldarynan kóz jumǵan.

Tergeý amaldary barysynda 40-tan astam sot-medısınalyq jáne krımınalısıkalyq saraptamalar júrgizilip, 200-den asa kýágerden jaýap alynǵan. Sonymen qatar, 8 beınebaqylaý jazbasy zerttelgen.

Sot otyrysynyń ashyq nemese jabyq formatta ótýi taraptardyń kelisimine saı sheshilmek. Qoǵam nazaryn aýdartqan bul iske qatysty úkim áli shyqqan joq.