Tótenshe jaǵdaılar vıse-mınıstri Kegen Tursynbaev Mánma men Taılandta bolǵandaı jer silkinisine Qazaqstan daıyn dep sendirdi.

Tótenshe jaǵdaılar vıse-mınıstriniń aıtýynsha, Qazaqstanda álemdegi jáne eldegi jer silkinisi jaǵdaıyn baqylaıtyn seısmologıa ınstıtýty bar.

Qazaqstanda 15 oblys seısmıkalyq belsendi aımaqtarda ornalasqan. 9 balǵa deıingi jer dúmpýine Almaty qalasy, Almaty oblysy jáne Jambyl oblysy kóbirek beıim.

"Bul óńirlerde seısmıkalyq daıyndyq jumystary júrgizilip jatyr. Ár óńirde eskertý júıesinen bastap, evakýasıalaý jumystary josparǵa saı júrgizildi. Biz bul baǵytta árdaıym daıyn bolýymyz kerek", – dedi vıse-mınıstr.

Kegen Tursynbaev qatty jer silkinisi bolǵan jaǵdaıda respýblıka boıynsha ákimdikterden bastap dárigerler men qutqarýshylarǵa deıin vedomstvoaralyq resýrstar jumyldyrylatynyn atap ótti. Jaýap berý jospary kún saıyn josparlanǵan.

"Bizde sý tasqyny kezindegideı kómek kórsetý júıesi bar. Birinshi kúni, ekinshi, úshinshi kúni bar. Kómek barlyq aımaqtan keledi. Onyń ishinde jeke quram, tehnıka, azyq-túlikpen qamtamasyz etý, medısınalyq qamtamasyz etý jáne evakýasıalaý bar. Barlyq oblysta, tipti Almatyda evakýasıa pýnktteri halyqty qabyldaýǵa daıyn", – dedi ol.

Seısmıkalyq belsendiligi joǵary aımaqtarda ǵımarattar men poıyzdar qyzmetterin nyǵaıtý jumystary jalǵasyp otyr.

Esterińizge sala keteıik, 28 naýryzda Mánmada 7,7 baldyq jer silkinisi boldy. Ol taǵy 29 naýryzda qaıtalandy. Sonyń saldarynan Bangkokta salynyp jatqan kópqabatty ǵımarat qulady. Jerasty dúmpýleriniń epısentri Mánmada tirkeldi.