Ekologıa jáne tabıǵı resýrstar mınıstri Erlan Nysanbaev órt shyǵý qaýipi joǵary maýsymnyń bastalýyna baılanysty qazaqstandyqtarǵa úndeý jasady.
Mınıstrdiń aıtýynsha, byltyr ylǵal kóp bolýyna baılanysty dala men ormanda shóptiń qalyń shyǵýy baıqaldy, bul bolsa bıyl órt qaýpin arttyryp otyr.
"Byltyr óte ylǵaldy boldy jáne bárińiz baıqaǵan bolarsyz dalada da, ormanda da shóp bıik shyqty. Bıyl ol qıyndyq týǵyzady – qurǵaq shóp janady. Árıne, bul jerde sizderdiń kómekterińizsiz bolmaıdy. Sondyqtan sizderge júginemin – dala órtterine beı-jaı qaramańyzdar", – dedi mınıstr.
Erlan Nysanbaev órt oshaqtaryn baıqasańyz, dereý tıisti qyzmetterge nemese TJM-niń jedel jelilerine habarlaý qajet ekenin basa aıtty.
