Almaty oblysynda Hýtor bandasyn basqarady delingen Hasan Qasymbaevqa qatysty qylmystyq is boıynsha tergeý aıaqtaldy. Bul týraly Almaty oblysy prokýrorynyń baspasóz qyzmeti habarlady.
"Almaty oblysy polısıa departamentiniń tergeý basqarmasy H.Qasymbaevqa jáne basqalarǵa qatysty qylmystyq is boıynsha sotqa deıingi tergeýdi aıaqtap, aǵymdaǵy jyldyń 21 shildesinde aıyptaý aktisimen isti oblystyq prokýratýraǵa joldady. Oblys prokýratýrasy 2025 jylǵy 29 shildede aıyptaý aktisin bekitti jáne isti máni boıynsha qaraý úshin Talǵar aýdandyq sotyna jiberdi", delingen baspasóz habarlamasynda.
Polısıa dereginshe, Hasan Qasymbaevtyń ústinen «adam urlaý», «densaýlyqqa qasaqana zıan keltirý» jáne «bopsalaý» baptary boıynsha is qozǵalǵan.
