Bul týraly Aıda Balaeva óziniń áleýmettik jelidegi paraqshasynda jazdy.

Úsh aptadan beri otandyq kınoprokatta kósh bastaǵan «QAITADAN» kórkem fılmi 1 mlrd teńgeden astam tabys tapqandyǵymen shyǵarmashylyq ujymdy shyn júrekten quttyqtaımyn!

Bul kıno óndirisine jumsalǵan memleket qarajatyn bes esege artyǵymen aqtaǵan alǵashqy joba. 2023 jyly pıchıng jeńimpazy atanǵan kınotýyndy – jas rejıssór Dýman Erkimbektiń tolyqmetrajdy debúti. Osyndaı kreatıvti, bastamashyl ári otanshyl jastardy qoldaý bárimizdiń ortaq mindetimiz.
Fılmde otbasy ınstıtýty dáriptelip, áleýmettik jaýapkershilik pen adamgershilik qaǵıdattary kórinis tabady. Sebebi ózińdi ǵana emes, aınalańdy, tipti tutas qoǵamdy qutqarýǵa umtylý – ár adamnyń mindeti.
Kınonyń ár dıalogy – qoǵamǵa oı tastaıdy, ár kórinisi – kórermenniń júregine jaqyn.

Qazirgi tańda «QAITADAN» fılmi elimizdiń barlyq kınoteatrlarynda kórsetilýde. Barsha kórermen qaýymdy osy týyndyny birge tamashalap, ult rýhyn asqaqtatar otandyq jobamyzdy qoldaýǵa shaqyramyn! Arnaıy altyn ýaqyttaryńyzdy bólip, kınoǵa kelińizder. Fılmnen jaǵymdy áser alyp, bir tolqynda bolyp, birge oı túıeıik. Shynaıy eńbektiń baǵasyn berip, kınogerlerimizge dem bereıik.

Memleket basshysy Ulttyq quryltaıdyń tórtinshi otyrysynda kınoǵa qatysty: «Taǵy bir túıtkil – qazir kınoteatrda kórsetiletin fılmderge qatysty qoǵamdyq syn bar. Byltyr qazaqstandyq mamandar túsirgen 94 fılm shyqqan, ıaǵnı, negizinen ózimizdiń ónim shyǵarylyp jatyr. Bul – jaqsy úrdis. Biraq biz eń aldymen sanǵa emes, sapaǵa kóńil aýdarýymyz kerek» - degen bolatyn.

Kıno ultty uıytyp, bolashaq urpaqty tárbıeleýi tıis. Sapaly, saýatty, talǵamy bıik kartınalar sany artqan kezde ǵana otandyq kınonyń eńsesi bıik bolady.

Sondyqtan mınıstrlik ulttyq kınony damytý baǵytyndaǵy jumystardy júıeli túrde jalǵastyra beredi.

Barshańyzǵa sáttilik tileımin!