Qyrkúıek aıynyń qorytyndysy boıynsha jyldyq ınflásıa deńgeıi 12,9 paıyzdy qurap, QR Ulttyq bankiniń eń nashar senarıinen (11-12,5 paıyz) de, QR Úkimetiniń optımısik boljamynan da (9-10 paıyz) asyp tústi. 

Bul – naryqtaǵy qazirgi baǵa dınamıkasynyń resmı organdardyń boljamynan áldeqaıda joǵary ekenin kórsetetin fakt.

Qyrkúıek aıynyń qorytyndysy boıynsha eń joǵary ınflásıa Qaraǵandy oblysynda (14,9 paıyz), eń tómengi kórsetkish Qyzylorda oblysynda (10,9 paıyz) tirkelgen. Aımaqtyq kartınaǵa zer salsaq, bir aılyq ınflásıa kólemi de 1,1 paıyzǵa ósken.

Osylaısha, ınflásıanyń jedel ósýi ulttyq ekonomıkaǵa tikeleı qaýip tóndirip otyr. Eldiń ekonomıkalyq saıasatynda JİÓ ósimi men ekonomıkalyq ósim bir tóbe bolsa, halyqtyń ál-aýqaty men azamattardyń satyp alý múmkindiginiń joǵary bolýy da óz aldyna mańyzdy baǵyt.