«QazMunaıGaz» UK AQ Basqarma tóraǵasy Asqat Hasenov pen Rosneft Deutschland GmbH bas dırektory Iohanes Bremer arasynda kezdesý nátıjesinde Qazaqstan munaıyn Germanıaǵa tasymaldaý týraly jumys kúshindegi kelisim-shart 2026 jyldyń sońyna deıin uzartyldy. Kelisim-shart Germanıaǵa aı saıyn jetkiziletin munaı kólemin 100 myń tonnadan 130 myń tonnaǵa deıin arttyrýdy kózdep otyr.
2025 jyldyń 9 aıynda Qazaqstan Germanıanyń Shvedt qalasyndaǵy munaı óńdeý zaýytyna jalpy kólemi 1,5 mln. tonna munaı jetkizgen. Munaı shıkizaty Qarashyǵanaq, Qashaǵan jáne Teńiz munaı-ken oryndarynan tasymaldanady.
