Búgin, 24 qazanda Mańǵystaý oblysynyń ákimi Nurdáýlet Qılybaı Respýblıka kúni qarsańynda Jańaózen qalasynda «Kaskor-Mashzavod» JSHS-niń jańa zaýytynyń ashylý saltanatyna qatysty.

Sharaǵa munaı-gaz salasynyń ardagerleri, ulttyq kompanıalar men kásiporyn basshylary, máslıhat depýtattary, memlekettik organdardyń ókilderi qatysty.

Óńir basshysy óz sózinde Memleket basshysy Qasym-Jomart Toqaevtyń ónerkásiptik negizdi nyǵaıtý jáne ekonomıkany ártaraptandyrý jónindegi tapsyrmalaryna sáıkes, óńdeý salasyn damytý – óńir ekonomıkasy úshin strategıalyq mańyzy bar baǵyt ekenin atap ótti.

«Bul zaýyttyń iske qosylýy – Jańaózen qalasynyń ekonomıkalyq áleýetin arttyrýǵa, jańa jumys oryndaryn ashýǵa jáne jergilikti turǵyndardy turaqty tabyspen qamtamasyz etýge múmkindik beredi. Zaýyt elimizdiń munaı-gaz salasy úshin mańyzdy ónim óndiretin otandyq kásiporynǵa aınalatynyna senemiz», – dedi Nurdáýlet Qılybaı.

Jańa kásiporyn jylyna 540 myń dana sorǵy shtangasyn, 51 myń tonna sorǵy-kompressorlyq qubyrlardy jáne fýterovkaly sorǵy-kompressorlyq qubyrlardy óndirýge qaýqarly. Óndiris iske qosylǵan soń 250 jańa jumys orny ashylady dep josparlanýda.

Saltanatty is-sharada sala ardagerleri men óndiris qyzmetkerlerine oblys ákiminiń jáne kásiporynnyń alǵys hattary men mereıtoılyq medaldar tabystaldy.

Mańǵystaý oblysy ákiminiń baspasóz qyzmeti