Almatyda aýdandardyń birinde 200-den astam esirtki jarnamasy joıyldy, – dep habarlaıdy Polisia.kz.

Almatyda polısıa Áýezov aýdanynyń Komúnıtı ortalyǵy jáne Jas Volunteers eriktileri birlesip, esirtki saýdasyn nasıhattaıtyn ınternet-resýrstarǵa silteme beretin tyıym salynǵan jazbalardy óshirý aksıasyn ótkizdi. Tek bir kúnniń ishinde osyndaı 200-den astam jazba joıyldy. Bul shara Profılaktıka jyly aıasynda uıymdastyryldy.

– Qalany esirtki jarnamasynan júıeli túrde tazalap kelemiz. Árbir jazba jastardy nysanaǵa alatyn qylmystyq sqemaǵa aparady. Esirtki taratýshylarǵa esh múmkindik bermeımiz. Eriktilerge alǵys aıtamyz! Kúshimiz – birlikte, – dedi Almaty qalasy PD esirtki qylmysyna qarsy is-qımyl basqarmasynyń bastyǵy Murat Jumabaev.

Polısıa almatylyqtardy mundaı jazbalardy baıqasa, dereý habarlaýǵa shaqyrady. Osylaısha olardy jedel joıýǵa ári esirtki qateriniń taralýynyń aldyn alýǵa bolady.