Memleket basshysy Qasym-Jomart Toqaev bıyl sáýir aıynda Mańǵystaý oblysyna jumys sapary aıasynda qaryzdardy sýbsıdıalaý baǵdarlamalary sheńberinde ónerkásip, týrızm jáne agroónerkásip keshenindegi ınvestısıalyq jobalardy iske asyrýǵa «Báıterek» ulttyq basqarýshy holdıńi» AQ-nyń qarjylandyrý kólemin ulǵaıtýdy tapsyrǵan bolatyn. Atalǵan tapsyrmaǵa sáıkes oblys ákimdigi jeńildetilgen nesıeleý tetikterin engizý boıynsha belsendi jumys júrgizýde, dep habarlaıdy Qoǵamdyq komýnıkasıa ortalyǵy.

Atap aıtqanda, shaǵyn jáne orta bıznes sýbektilerine 200 mln teńgege deıin nesıe berýdi qarastyryp, qaryz alýshylar úshin jyldyq syıaqy mólsherlemesi - 12,6% deńgeıinde bekitildi.

Baǵdarlama ekonomıkanyń basym salalarynda ıaǵnı ónerkásip, kólik jáne logıstıka, týrızm, bilim berý men medısına baǵyttarynda kásipkerlikti yntalandyrýǵa baǵyttalǵan.

Sondaı-aq, ónerkásip jáne týrızm salasyndaǵy jobalardy qarjylandyrý maqsatynda «Órleý» kásipkerlikti qoldaý baǵdarlamasy iske qosyldy. Baǵdarlama aıasynda jalpy 750 mlrd teńge kóleminde qarajat qarastyrylǵan. Onyń ishinde 300 mlrd teńge - «Damý» kásipkerlikti damytý qory esebinen, 450 mlrd teńge - ekinshi deńgeıli bankter tarapynan birlesip qarjylandyrylady.

«Órleý» baǵdarlamasy kásipkerlerge uzaqmerzimdi ári qoljetimdi qarjy alýǵa múmkindik beredi. Bul óz kezeginde jańa óndiris oryndaryn ashýǵa, eksporttyq áleýetti arttyrýǵa jáne óńir ekonomıkasyn ártaraptandyrýǵa yqpal etedi.

Sonymen qatar, agroónerkásip keshenindegi jobalardy nesıelendirý baǵdarlamasy da júzege asyrylýda. Baǵdarlama jańa nemese jumys istep turǵan sút-taýar fermalaryn, et baǵytyndaǵy qus fabrıkalaryn, mal sharýashylyǵy kásiporyndaryn, kókónis jáne jemis saqtaý qoımalaryn, ónerkásiptik jylyjaı sharýashylyqtaryn ashýǵa nemese keńeıtýge baǵyttalǵan.

Bir jobaǵa beriletin eń joǵary nesıe sommasy 5 mlrd teńgeden aspaıdy.

Jańa qarjylandyrý júıesi kásipkerlerge bıznes jobalaryn uzaqmerzimdi perspektıvada iske asyrýǵa, óndiris kólemin ulǵaıtýǵa jáne jańa jumys oryndaryn qurýǵa múmkindik beredi.