2026 jyly 18 naýryzda Almatyda Ulttyq kıim kúnine oraı Alatau Creative Hub ortalyǵynda «Etno-Fashion» ulttyq kıimder fleshmoby ótti. Sonymen qatar, №20 kitaphananyń uıymdastyrýymen Almaty sán jáne qyzmet kórsetý salasy kolejinde ulttyq qundylyqtardy dáripteýge baǵyttalǵan «Ulttyq sezim» atty is-shara uıymdastyryldy.  

Atalǵan is-sharalardyń maqsaty – qazaqtyń ulttyq kıimderiniń tarıhı jáne mádenı mańyzyn nasıhattaý, etno-fashion baǵytyn damytý, sondaı-aq dástúrli murany zamanaýı sán ındýstrıasymen úılestirý.   İs-sharalarǵa dızaınerler, qoǵam belsendileri jáne sánge qyzyǵatyn stýdentter qatysyp, ulttyq muraǵa degen qyzyǵýshylyqtaryn tanytty.  

İs-shara barysynda kórermenderge ulttyq kıimniń merekelik kıim ǵana emes, kúndelikti ómirge de laıyq stıl ekeni kórsetilip, onyń erekshelikteri, maǵynasy men tarıhy tanystyryldy. Sonymen qatar, qatysýshylardyń tanymdyq deńgeıin arttyrý maqsatynda arnaıy beıne-vıktorına uıymdastyryldy.  

Sán kórsetiliminde Qazaq-Oner ulttyq qaýymdastyǵynyń prezıdenti Aıgúl Janserikovanyń «Aigul Line» toptamasy, «Alatau» ortalyǵynyń «Iýnaıa model» úıirmesiniń «Alasha» toptamasy, sondaı-aq Adel Model Academy jáne Icon Modeling agenttikteriniń modelderi óner kórsetti.   Al «Ulttyq sezim» is-sharasynda tiginshi-dızaıner, «Arý-Aı» brendiniń negizin qalaýshy, «Altyn alqa» ıegeri Sandýǵash Myrzabekqyzy ulttyq kıimniń máni men onyń qazirgi sándegi orny týraly oı bólisti.  

Jıyn sońynda qatysýshylarǵa alǵys hattar men kitaptar syıǵa tartyldy.   Atalǵan is-sharalar tól mádenıetimizdi dáriptep, ulttyq naqyshty zamanaýı stılmen úılestirýge yqpal etedi.