Úkimet otyrysynda Premer-mınıstr Oljas Bektenov jańa Konstıtýsıa normalaryn júzege asyrýǵa baǵyttalǵan jańa Konstıtýsıalyq zańdardyń qabyldanýyn qamtamasyz etý qajet ekenine nazar aýdardy.

«Úkimet tarapynan «Qazaqstan Respýblıkasynyń ákimshilik-aýmaqtyq qurylysy týraly» jáne «Qazaqstan Respýblıkasy astanasynyń mártebesi týraly» jańa Konstıtýsıalyq zańdardyń qabyldanýyn qamtamasyz etý qajet. Ulttyq ekonomıka mınıstrligine múddeli memlekettik organdarmen birge 15 sáýirge deıin konstıtýsıalyq zańdardyń jobalaryn ázirlep, Úkimetke engizýdi tapsyramyn», — dep atap ótti Oljas Bektenov. Sonymen qatar jańa Konstıtýsıaǵa sáıkes, keıbir óńirlerdiń jedel ekonomıkalyq damýyn qamtamasyz etý úshin «qarqyndy damıtyn qala» arnaýly quqyqtyq rejımi belgilenýi múmkin ekeni atap ótildi.

«Parlamentte “Alataý qalasynyń arnaýly mártebesi týraly” Konstıtýsıalyq zań jobasyn qaraýdy jedeldetip, Memleket basshysyna naýryz aıynyń sońyna deıin qol qoıýǵa usyný qajet. Prezıdent “Qazaqstan Respýblıkasynyń Konstıtýsıasyn iske asyrý jónindegi sharalar týraly” Jarlyqqa qol qoıdy. 7 sáýirge deıin jańa Konstıtýsıany ilgeriletý josparyn bekitýimiz kerek. Ádilet mınıstrligine múddeli memlekettik organdarmen birge jospar jobasyn ázirlep, 1 sáýirge deıin Úkimet Apparatyna engizýdi tapsyramyn. Barlyq ortalyq jáne jergilikti memlekettik organdar men kvazımemlekettik sektor jospardy iske asyrý boıynsha jan-jaqty ári túbegeıli sharalardy qabyldasyn», — dep atap ótti Oljas Bektenov.