Sońǵy ýaqatta  kópshilik Aqyn Rınat Zaıytovtyń ómirine qaýyp tónip turǵanyn jıi aıtady. "Rınatty atyp ketipti, pyshaqtapty, odan qalsa Almatydaǵy Seıfýllın kóshesinde ornalasqan túrmege qamap qoıypty degen sózderge "bekerden beker mundaı áńgime shyqpaıdy" dep halyq sene bastady. Onyń ústine sońǵy  ýaqytta aqyn  kókjáshikten  de  kórinbeı ketti. Aqyn  ómirine  qatysty mundaı  boljamdardyń shyǵýyna onyń sahna  aıtan, biraq  TV efırlerine jiberilmeı  qalǵan ýytty  sózderi men  shymbaıǵa  batar  shyndyqty  aıtýy sebep bolǵan.  Rınattyń  janaıqaıyn aıtylǵan  dybys  jazbasy   uıaly  telefondar, áleýmettik  jeliler  arqyly  qazirgi  qazaq  qoǵamynda keń  taralýda.  Alyp-qashpa áńgimeler  de dál osy  óleńinen keıin shyqsa  kerek.

Osy  tusta, máseleniń mánisin anyqtamaq bolyp, aqyndy áńgimege tartqan 31-arna jýrnalıseriniń suhbatyn  usynamyz...

 - Qosh keldińiz, Rınat! Qal-jaǵdaıyńyz qalaı?

-Aman, shýkir.  Bári  ornynda.

 Jel turmasa shóptiń basy qımyldamaıdy degen bar....Osyndaı áńgimelerdiń taraýyna rasymen de shyndyqty shyńǵyrta jazǵan bir ǵana óleńińiz sebep boldy ma?

-Bul áńgimeniń maǵan jetkenine  de  biraz boldy. Ár qaladan  dostarym  habarlasyp, halymdy  suraıdy. Ol áńgimeniń qaıdan  shyqqanyn  bir  Alla  biledi.

- Sonda  mundaı áńgimelerdiń shyǵýyna  sizdiń shyndyqty aıtqan bir  ǵana óleńińiz sebep  boldy ma?

-Jooq, sebep kóp.  Eger tek óleń ǵana sebep  bolatyn  bolsa, byltyr naýryzda aıtylǵan, bıyl bir jyl  bolady. Eń basty  sebep,áleýmettik jelilerdiń eshqaısysyn paıdalanbaımyn. Instagram, tvıtter  degender  kóńilime  jaqpaıdy. Taǵy  bir  sebep,  Júrsin Erman  aıtysty qolǵa alyp,  qazir  aıtysqa  daıyndyq  ústindemin.

-Jeke basyńyzdyń qaýipsizdigi úshin ne isteısiz?

- Eshteńe

-Kimnen  qorqasyz?

-Qudaıdan

Sońǵy kezderi sizdi aıtystan da kórinbeı kettińiz. Jalpy,nemen aınalysyp júrsiz?

-Qazir  qaıta  shyǵarmashylyq  tolysýdyń jolyndamyn. Oqıtyn,izdenetin nárseler bar.

-Elde bolyp jatqan sońǵy qarjylyq-ekonomıkalyq ózgeristerge qatysty qandaı pikir bildiresiz? Dollardyń sharyqtaýy sizdi qanshalyqty qyspaqqa saldy?

-Ótkende bir dosym  aıtyp edi: "Mende dollar da joq, teńge de joq. Kóp basymdy aýyrtpaımyn" dep. Sol sıaqty ǵoı. Biraq,  eń  qynjyltatyn  nárse, teńgeniń quldyraýynan  bir aı buryn  telearnlaradan "kókelerimiz"  sóıledi: "Aqshalaryńdy teńgemen  saqtańyzdar,  quldyraý bolmaıdy"  dep  aıtyp aldy. Sóıtip, bir aıdan keıin "biz  muny bir jyl buryn bilgenbiz" dedi. Memlekette  qarjynyń tizginin  ustap otyrǵan  adamdardyń  qurdasyna  qaljyńdaǵandaı  búkil  halyqty solaı aldaýǵa bolmaıdy  ǵoı.

-Halyqqa aıtaryńyz...

-Kimniń qandaı maqsatpen dabyra áńgime shyǵarǵanyn bilmeımin. Tirimin,  din-amanmyn.

Rahmet!

(Materıal 31-arna  aqparaty  negizinde daıarlandy)