Aty álemge áıgili Coco-Cola naryqqa shyqqanyna qanshama ýaqyt ótkenine qaramaı mıllıondardyń suranysynan áli kúnge aryla qoımaǵan brend. Dese de ǵalymdardyń sońǵy zertteýleri onyń paıdasynan góri zıanynyń shasha etekten ekenin eskertip, dabyl qaqqanyn, ol ásirese 2000 jyldardyń basynda oryn alǵanyn jurtshylyq áli umyta qoımaǵan bolar. Naǵyz kolanyń syrtyndaǵy jazylýǵa tıis keı aqparlardyń joqtyǵy da bul ónimge degen kúdikti odan ári údete túsip, álem elderi ony aıyrbastaıtyn gazdy sýsyndar shyǵarý isine jappaı kiriskeni de málim. Osy tusta "Evoca cola", "Mekka cola", "Parcov cola", "Qibla cola", "Afri-cola", "Amrat cola" sıaqty ataýlar dúnıejúzilik ónim óndirý salasyna serpin bergen bolatyn. Taǵamdy halaldap, quramyndaǵy keı qospalarǵa kúmánmen qaraıtyn musylman qaýymyna kolanyń arab memleketterinen shyqqany zor qýanysh bolǵan. Endi olar atalmysh sýsyndy tańdaýmen tutynatyn boldy. Sonyń ishinde úlken suranys Irannyń "zám-zámine" aýǵan.
"Zám-zám" kola Iran halqynyń ónimi. Onyń tarıhyna toqtalar bolsaq, kásipker Ahmed Haddad Moghaddam 1954 jyly "Pepsı kola" shyǵarý isin bastaıdy. 25 jyldan keıin Iran Úkimeti osy bastamany qoldaı otyryp, onyń aýqymyn keńeıtýge kúsh salady. Osy ýaqyttan beri "Zám-zám kola korporasıasy" qurylyp, atalmysh sýsyn jurttyń shólin basyp keledi eken. 2000 jyldary naǵyz kolaǵa jarıalanǵan baıkot, ırandyq brendttiń arab elderi arasynda tanymaldyǵyn arttyrǵan desedi. Kóp uzamaı Eýrazıa aımaǵynda da bul ónimdi tutynýshylar sany kúrt artqan.
http://muslim.kz
