Ýkraınadaǵy  sońǵy oqıǵalar  eliniń toz-tozyn shyǵarýda. Saıası sanasy taıaz opozısıa men ásire Evropashyldyq, ultshyldyq Ýkraınany úshke bóldi. Al Orys tildi halyq basym turatyn shyǵys oblystar da Ýkraınderdiń bul alaýzdyǵyn keshirmeýde. Onsyzda Reseıdiń yqpalymen keýdesine nan pisken orys ultshyldary Ýkarına bıligine ashyq qarsylyqqa shyqty. Oǵan Ýkraınanyń jańa bıligine qarsylar men «Evromaıdandy» qoldamaıtyn toptar da qosyldy. Tipten orystar Qyrym Avtonomıaly Respýblıkasynyń Úkimeti men Ulttyq Keńeske týlaryn ilip tastady. Eger aıtylmysh, demokratıanyń zańdylyǵyna júginsek, alda bolatyn Referendýmda orys halqy 58 paıyzyn ustaıtyn Qyrym Ýkarınadan táýelsizdik alýy múmkin. Tipten birden Rossıanyń quramyna kiredi. Bul Orystar men Orys tildiler basym kóbin ustaıtyn Qazaqstannyń soltústik oblystaryn da qaǵys qaldyrmaýy múmkin. Onsyzda Orys depýtattary men orys ultshyldary Reseıde ashyq málimdemeler jasap, Qazaqstannyń soltústik oblystaryn ózderine qosyp alýǵa talpynyp jatyr. Eger soltústik obylystarymyzda shoshań etip bir top orys kóshege jınalyp, úkimettiń áleýmettik jaqtan qınap oyrǵandaryn alǵa tartyp ereýilge shyǵa qalsa boldy. Shekaranyń ar jaǵynda ańdyp otyrǵan orystar esh qıyndyqsyz qaptap kelip, qoldap, shýdy biraq shyǵarady. Ol kezde bılik Jańaózendegideı oq shyǵarǵandy qoıyp, daýys kóterip te sóıleı almaıtyn bolady. Odan qutylýdyń jalǵyz joly, Elbasymyz basshylyǵynda qolǵa alynǵan "Nurly kóshtiń" buıdasyn soltústik oblystarǵa aparyp biraq baılaý. Qandastar týraly jańa qaýly shyǵaryp, keshendi túrde jumys jasaý kerek.

Beısen Ahmet