– Árıne, bizdi búgin shapqaly jatqan jaý joq. Biraq táýelsizdik alǵaly beri 22 jyl ótse de, ózimizdi-ózimiz ult retinde áli de tolyq sezine alǵamyz joq. Qazaq tiliniń órisi ósýdiń, keńeıýdiń ornyna tarylyp barady. Orys tili áli de bılik tili bolyp qalyp otyr. Bıznestiń qarqynyn orystyń áýselesi basyp barady. Attaı 300 jyl qul qylǵan, bodan etken qojaıynymyzdan irgemizdi tolyq ajyratyp almaı jatyp, qaıtadan “EvrAzes”, “Kedendik odaq” degen tajaldardyń tuzaǵyna túsip qaldyq. Búıte bersek, Reseıdiń sup-sýyq sur shekpenine qaıtadan kiretin túrimiz bar.
Egerde “EvrAzes”-ke qol qoıyp, Evrazıalyq parlament, ortaq valútaǵa kóshetin bolsaq, onda táýelsizdikpen qoshtasatyn kún týatynyna men kúmán keltirmeımin. Buryn da orystardyń bizdi otarlaý saıasaty ekonomıkamen bastalyp, saıasatpen aıaqtalǵan bolatyn. Biz sorlaǵanda osydan sabaq ala almadyq qoı.
(avtordyń "Jas Alashqa" bergen suhbatynan)
