Tarıfterdiń ósýine jol bermeý úshin 1,2 paıyzdyq tarmaq deńgeıinde retteletin qyzmet kórsetýlerdiń tarıfteri men baǵalarynyń 2014 jylǵa arnalǵan ınflásıaǵa shekti salymy qamtamasyz etiledi. Budan bólek, 2014 jylǵy mamyr aıynan keıin retteletin qyzmet kórsetýlerdiń jańa tarıfteri men baǵalary qoldanysqa engiziletin bolady. Búgin Parlament Májilisindegi Úkimet saǵatynda Ekonomıka jáne búdjettik josparlaý mınıstri Erbolat Dosaev osylaı málim etti.Mınıstrdiń aıtýynsha, halyq tabysyn qoldaý maqsatynda da birqatar sharalar atqarylady. Máselen, Úkimettiń keńeıtilgen otyrysynda Memleket basshysy bergen tapsyrmalarǵa sáıkes, 1 sáýirden bastap azamattyq qyzmetshilerdiń, dárigerlerdiń, muǵalimderdiń jáne memlekettik sektordyń áleýmettik salasyndaǵy basqa da qyzmetkerlerdiń laýazymdyq jalaqysyna 10% mólsherinde aı saıynǵy qosymsha tólem engiziledi. «Zeınetaqylyq jáne memlekettik áleýmettik tólemderdiń mólsherleri 5%-ǵa, bul rette 2014 jyldyń basynan bergi joǵarylaýdy eskere otyryp, tıisinshe 14%-ǵa jáne 12%-ǵa deıin jetkiziletin bolady. Al ataýly áleýmettik kómek - 12 %-ǵa deıin, stýdentter shákirtaqylary - 10%-ǵa joǵarylaıtyn bolady. Budan bólek, jyl sońyna deıin «B» korpýsynyń memlekettik qyzmetshilerine eńbekaqy tóleý deńgeıin 2015 jáne 2016 jyldardyń 1 shildesinen bastap 15%-ǵa joǵarylatýdy kózdeıtin Prezıdent Jarlyǵynyń jobasy ázirlenetin bolady», - dedi Ekonomıka jáne búdjettik josparlaý mınıstri E.Dosaev.