وسىدان تۋرا 10 جىل بۇرىن الماتى قالاسىندا كورنەكتى مەملەكەت جانە قوعام قايراتكەرى، وپپوزيسيالىق ساياساتكەر التىنبەك سارسەنباي ۇلى قاسكويلەردىڭ قولىنان قازا تاپتى. ساياساتكەرمەن بىرگە ونىڭ وققاعارى باۋىرجان بايبوسىنوۆ پەن جۇرگىزۋشىسى ۆاسيليي جۋراۆليەۆ تە وققا ۇشتى.
التىنبەك سارسەنباي ۇلى ءومىرىنىڭ سوڭىندا مەملەكەتتىك قىزمەتتەن كەتىپ، رەسمي بيلىككە قارسى سىني پىكىرلەر ءبىلدىرىپ، وپپوزيسيالىق كۇشتەر قاتارىندا جۇرگەن بولاتىن.
قاندى وقيعادان سوڭ التىنبەك سارسەنبايۇلىن ولتىرۋگە تاپسىرىس بەردى دەپ سول كەزدەگى پارلامەنت سەناتى اپپاراتىنىڭ قىزمەتكەرى ەرجان وتەمبايەۆ قاماۋعا الىندى. 2013 جىلى رەسمي بيلىك ورگاندارى ساياساتكەردىڭ ولىمىنە كەيىن ءوزى دە شەتەل اسقان راحات الييەۆتىڭ قاتىسى بار دەپ مالىمدەدى.
پىكىر قالدىرۋ