الماتى كوشەلەرىن قالىڭ جاۋعان قاردان تازالاۋعا سوتتالعاندار دا جۇمىلدىرىلدى، - دەپ حابارلايدى «قامشى» پورتالى جەتىسۋ اۋداندىق پروكۋراتۋراسىنىڭ باسپا ءسوز قىزمەتىنە سىلتەمە جاساپ.

قولدانىستاعى زاڭنامالارعا سايكەس، باس بوستاندىعىن شەكتەۋ جازاسى قولدانىلعان تۇلعالار، ەگەر تۇراقتى جۇمىس ورنى نەمەسە وقۋى بولماسا جەرگىلىكتى ءاتقارۋشى ورگاندار بەلگىلەگەن جۇمىستارعا ماجبۇرلەپ جۇمىلدىرىلادى. بۇل توقپا جۇكتى ايەلدەر، كاملەتتىك جاسقا تولماعاندار،ع، 3 جاسقا دەيىنگى بالاسى بار ايەلدەر مەن 3 جاسقا دەيىنگى بالالاردى جالعىز تاربيەلەپ وتىرعان ەر كىسىلەر، 1،2-توپتاعى مۇگەدەكتەر مەن زەينەت جاسىنداعى ازاماتتار كىرمەيدى.

پروباسيا قىزمەتى تاراتقان مالىمەت بويىنشا الماتىنىڭ جەتىسۋ اۋدانىندا 10 باس بوستاندىعى شەكتەلگەن ازامات تۇرادى. سول ازاماتتار اۋدان اكىمدىگىنىڭ بەلگىلەۋىمەن «قۇلاگەر» ىقشام اۋدانىنداعى سەرىكوۆ كوشەسى بويىن قاردان تازالادى. بۇل جۇمىس 10 اقپان كۇنى تۇسكى ساعات ۇشتەن كەشكى التى ارالىعىندا اتقارىلعان.

اۋدان تۇرعىندارى سوتتالعاندارعا اتقارعان جۇمىستارى ءۇشىن العىس بىلدىرگەنى ايتىلادى اۋداندىق پروكۋراتۋرا تاراتقان حابارلامادا.