استانادا ايۋاندىقپەن ولتىرىلگەن ستۋدەنت ەراسىل اۋباكىروۆتىڭ ولىمىنە قاتىسى بار دەپ قاماۋعا الىنعان نۇربەك ءاجىمبايدىڭ قورعاۋشىسى بولعان وقيعاعا بايلانىستى قوسىمشا مالىمەتتەردى جاريا ەتتى، - دەپ حابارلايدى «قامشى» پورتالى Tengrinews.kz-كە سىلتەمە جاساپ.

ونىڭ ايتۋىنشا، وقيعاعا قاتىسى بار ءتورت ادام انىقتالعان. بىرەۋى ادۆوكات عابيدەن بوكەنوۆتىڭ قورعاۋىنداعى نۇربەك ءاجىمباي، ەكەۋى سونىمەن بىرگە قاماۋدا وتىرعان ايان مەن ۆيتاليي دەگەن جىگىتتەر. تاعى ءبىر ا. مەيربايەۆ دەگەن كۇدىكتى بۇگىن تۇتقىندالعان.

«ولاردىڭ بارلىعى كوتتەدجدە بولعان. مەنىڭ قورعاۋىمداعى نۇربەك، ايان، ۆيتاليي جانە ءتورتىنشى ادام. ن. ءاجىمباي كوتتەدجدەن قاشىپ شىققان سوڭ، وعان تەلەفون سوعىپ ستۋدەنتتىڭ ولگەنىن حابارلاعان. ول قورقىپ، پوليسياعا بارعان»، - دەيدى ادۆوكات.

زاڭگەرلەر بولعان وقيعانى ۆيدەوعا ءتۇسىرۋ ارەكەتىنىڭ قانشالىقتى قىلمىس ەكەنىنە قاتىستى پىكىر بىلدىرۋدە.

«بولعان قىلمىستى ۆيدەوعا تۇسىرۋگە تىيىم سالىنباعان. ..بۇل ءۇشىن قىلمىستىق جاۋاپكەرشىلىك قاراستىرىلماعان. ءبىراق، ەگەر ول ۆيدەوعا ءتۇسىرىپ، ءبىراق، بولعان جايدى پوليسياعا حابارلاماسا ول جاۋاپقا تارتىلادى. ەگەر ناقتى كىسى ءولتىرۋ وقيعاسى ەكەنىن بىلسە، اسا اۋىر قىلمىس تۋرالى اقپاراتتى حابارلاماۋ تۋرالى باپپەن جازاعا تارتىلادى»، - دەيدى زاڭگەر دجوحار ۋتەبەكوۆ.