2009 - جىلى جۇمابەك تاشەنوۆتىڭ باسىنا قۇران وقىتىپ شىمكەنتتەن قايتقانىمدا، بۇرىن كەڭشار ديرەكتورى بولعان كوشەلى كىسىمەن كۋپەدە بىرگە وتىردىم. ەرتە كەزدە مۇحتار شاحانوۆقا تۋعان اۋىلى اتىنان ماشينا مىنگىزگەن ءمارت ەكەنىن اڭگىمەسىنەن ءبىلدىم.

ەسىمىن ۇمىتقان سول اعا: «جاس كەزىمدە جۇمابەك تاشەنوۆتى كوردىم. مەن كورگەن كەز ول كىسىنىڭ قايتىس بولارىنان از عانا بۇرىن اشۋى قايتقان كەزى ەدى. ءبىر جينالىستا جۇمەكەڭ: - وزبەكستاننان وقۋ بىتىرگەن ماماندار، ورىندارىڭنان تۇرىڭدار، - دەدى. ورىندارىنان تۇرعاندارعا ج. تاشەنوۆ: - سەندەردىڭ بارلىعىڭ وزبەكستاننان ديپلومدى ساتىپ العان شالا بىلىمدىسىڭدەر. جۇمىستان بوسسىڭدار، - دەپ ءبىر-اق قايىردى»، - دەدى.

ەگەر، ج. تاشەنيەۆتەي شىندىققا دەگەن ۇستانىمى بەرىك ادامدار بولسا، قازىرگى شالقاقتاپ، كەۋدەلەرىنە نان ءپىسىپ جۇرگەن قانشاما شالا ءبىلىمدى مامانداردىڭ تاعدىرى نە بولار ەدى دەپ ويعا باتتىم.

ەرتىس نۇرقاسىموۆتىڭ "فەيسبۋكتەگى" پاراقشاسىنان الىندى.