عالامتوردا ءوزىن وڭتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتى ەكونوميكالىق تەرگەۋ قىزمەتىنىڭ اعا تەرگەۋشىسىمىن دەپ تانىستىرعان قىزدىڭ سۋپەرماركەتتەن ءبىر ەمەس، ءۇش بىردەي ءتىس پاستاسىن ۇرلاعانىن مويىنداپ تۇرعان ۆيدەوسى جاريالاندى، - دەپ حابارلايدى «قامشى» پورتالى.

وقيعا «الما» دەپ اتالاتىن سۋپەرماركەت ىشىندە ورىن العان. ۆيدەوداعى كورىنىسكە قاراعاندا «ۇرىنى» ساۋدا ورنىنىڭ كۇزەتشىلەرى قىلمىس ۇستىندە ۇستاپ العان سەكىلدى.

بۇل تۋرالى ق ر قارجى مينيسترلىگى مەملەكەتتىك كىرىستەر كوميتەتى بەرگەن تۇسىنىكتەمەنى Today.kz پورتالى جاريالادى.

«وكىنىگكە وراي، وسىنداي وقيعا ورىن الدى. ءقازىر قىزمەتتىك تەكسەرىس ءجۇرىپ جاتىر. تەكسەرىس كەزىندە ۆيدەوداعى ازاماتتىڭ وقو بويىنشا مكد ەكونوميكالىق تەرگەۋ قىزمەتىنىڭ اعا مامانى – اعا تەرگەۋشىسى ەكەنى انىقتالدى. ۆيدەو 2016 جىلعى 6 اقپاندا جازىلعان»، - دەلىنگەن ول تۇسىنىكتەمەدە.

الايدا، كىرىس كوميتەتىندەگىلەر اتالعان قىزمەتكەردىڭ 2014 جىلدىڭ جەلتوقسانىنان 2015 جىلدىڭ قازانىنا دەيىن وقو بويىنشا مكد قىزمەت ەتكەنىن، ءقازىر وقۋ دەمالىسىندا ەكەنىن ايتۋدا. الايدا، قولدانىستاعى زاڭناماعا سايكەس، مەملەكەتتىك قىزمەتشى وقۋ دەمالىسى كەزىندە سوڭعى قىزمەت ورنىنىڭ وكىمدىگىندە بولاتىنىن ەسكەرتكەن.