قازاقستاندىق كاسىپقوي بوكسشى گەنناديي گولوۆكين مەن امەريكاندىق بوكسشى دومينيك ۋەيد ءداستۇرلى «كوزبەن اتىسۋ» ءراسىمىن وتكىزدى، - دەپ حابارلايدى «قامشى» پورتالى Vesti.kz–كە سىلتەمە جاساپ.

بۇل ءراسىم نيۋ-يوركتە ۇيىمداستىرىلعان باسپا ءسوز ءماسليحاتىنان سوڭ وتكەن.

گولوۆكين مەن ۋەيدتىڭ 23 ءساۋىر كۇنى كەزدەسەتىنى بۇعان دەيىن حابارلانعان بولاتىن. گولوۆكين وسى جەكپە-جەكتە WBA تيتۋلىن ون التىنشى رەت، IBO تيتۋلىن ون ءۇشىنشى مارتە، ال، WBC (Interim) تيتۋلىن ءتورتىنشى رەت قورعايدى. قازاقستان بوكسشىسى وسى كەزدەسۋدە سونداي-اق، IBF تيتۋلىن دا العاش رەت قورعاماق. ول كاسىبي رينگتە 34 كەزدەسۋ وتكىزىپ، ونىڭ بارلىعىندا جەڭىسكە جەتكەن، 31 كەزدەسۋدى مەرزىمىنەن ەرتە اياقتاعان. ال، قارسىلاسى ۋەيد – 18 كەزدەسۋ وتكىزىپ، بارلىعىن جەڭىسپەن اياقتاعان بوكسشى. ونىڭ جەڭىس قورجىنىندا 12 نوكاۋت بار.