فەيسبۋك الەۋمەتتىك جەلىسىندە دجاميليا يبرايەۆا-سەرگازى ەسىمدى قولدانۋشى جامبىل وبلىسى بۋرىل اۋلىنا اسكەريلەردىڭ كىرۋ ءساتى تۇسىرىلگەن ۆيدەونى جاريالادى، - دەپ حابارلايدى «قامشى» پورتالى.

ۆيدەوعا «كاماز» جۇك كولىكتەرىمەن جانە بىرنەشە اۆتوبۋسپەن اۋىلعا كىرىپ كەلە جاتقان اسكەري كولونا تۇسىرىلگەن. تۇسىرۋشىلەر كولىكتەردىڭ مەملەكەتتىك تىركەۋ نومىرلەرىنە قاراپ اسكەريلەردىڭ شىمكەنت قالاسىنان كەلگەنىن ايتۋدا. سونداي-اق، ۆيدەو اۆتورلارى جۇك كولىگىنىڭ بورتىندا جول ءجۇرىپ كەلە جاتقان ساربازدارعا جاندارى اشيتىنىن بىلدىرگەن.

«سورلى سولداتتار قاتىپ قالعان شىعار. وبال-اي!»، - دەيدى ولار.

ەسكەرتۋ: ۆيدەودا ورىس تىلىندەگى بەيپىل سوزگە جاقىن تىركەستەر قولدانىلادى.

شىمكەنت پەن تاراز قالالارىنىڭ اراسى 179 شاقىرىم ەكەنىن، ال، بۋرىل اۋىلى تارازدان 15 شاقىرىم جەردە ورنالاسقان.

ەستەرىڭىزگە سالساق، 15 اقپان كۇنى بۋرىل اۋلىندا ورىن العان بالا ولىمىنەن سوڭ تۇرعىندار نارازىلىق ءبىلدىرىپ كوشەگە شىققان بولاتىن. كەشە ءىىم ق. قاسىموۆ وقيعانىڭ شەشىم تاپقانىن، اسكەرلەردىڭ كەرى قايتاتاتىنىن ايتقان ەدى.