وڭتۇستىك قازاقستان وبلىسىنىڭ اكىمى بەيبىت اتامقۇلوۆ شىمكەنت قالاسىنداعى «تۇركىستان» سارايىندا حالىق الدىندا ەسەپ بەردى. وندا اكىم وتكەن 2015 جىلى ءوڭىرىمىزدىڭ ەكونوميكالىق جانە الەۋمەتتىك سالالارىندا اتقارىلعان جۇمىستارعا توقتالىپ، الداعى بەس جىلدا ىسكە اسىرىلاتىن جۇمىس جوسپارلارى تۋرالى باياندادى. ەسەپتى كەزدەسۋگە جەرگىلىكتى تۇرعىندارمەن قاتار، ق ر اۋىل شارۋاشىلىعى ءمينيسترى ا.مامىتبەكوۆ پەن ق ر پرەزيدەنتى اكىمشىلىگىنىڭ مەملەكەتتىك ينسپەكتورى ج.ەستەنوۆ قاتىستى،- دەپ حابارلايدى «قامشى» پورتالى وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

جىلدىق ەسەپتىڭ ەرەكشەلىگى سول، وڭىرىمىزدەگى بارلىق اۋدان، قالالارداعى تۇرعىندار اكىم ەسەبىن ونلاين رەجيمىندە تىڭداپ، سۇراق قويۋ مۇمكىندىگىنە يە بولدى.

وتكەن 2015 جىلى اتقارىلعان جۇمىستارعا توقتالعان ءوڭىر باسشىسى  ونەركاسىپ سالاسىندا 668،5 ملرد. تەڭگەنىڭ ءونىمى ءوندىرىلىپ، 2014ء-شى جىلمەن سالىستىرعاندا 64،5 ملرد. تەڭگەگە ارتقانىن ايتتى. بۇل كورسەتكىش بويىنشا ءبىزدىڭ وبلىس رەسپۋبليكادا 5ء-شى ورىندى يەلەنىپ وتىر.  ال 2015 جىلى جاڭا تەحنولوگيالاردى ەنگىزۋ ناتيجەسىندە، وڭدەۋ ونەركاسىبىندەگى ەڭبەك ونىمدىلىگى 1 ادامعا شاققاندا 48 مىڭ اقش دولل. قۇرادى. بۇل  2014 جىلمەن  سالىستىرعاندا 18% ارتقان.

سونداي-اق، اۋىل شارۋاشىلىعىنىڭ جالپى ءونىم كولەمى 344،6 ملرد. تەڭگەنى قۇراپ، وتكەن جىلمەن سالىستىرعاندا 3،5% وسكەن.  رەسپۋبليكادا ماقتانىڭ ءونىمى بويىنشا 100% كورسەتكىشتى وڭتۇستىك قازاقستان وبلىسى بەرىپ وتىر. ال، باقشانىڭ ءونىمى بويىنشا 65%، جەمىس-جيدەك 36%، ءجۇزىم 65% ءبىزدىڭ وبلىسقا تيەسىلى. جالپى اتقارىلعان جۇيەلى جۇمىستاردىڭ ناتيجەسىندە وبلىس جوعارى كورسەتكىشتەرگە قول جەتكىزىپ، رەسپۋبليكادا الدىڭعى ورىنداردى يەلەنىپ كەلەتىندىگىنە توقتالدى.

اتقارىلىپ جاتقان جۇمىستاردىڭ بارلىعى - ەلباسىنىڭ حالىققا جاساعان جولداۋى اياسىندا جانە مەملەكەت باسشىسى ۇسىنعان ۇلت جوسپارى - 5 ينستيتۋسيونالدى رەفورمانى ىسكە اسىرۋدىڭ 100 ناقتى قادامىن جۇزەگە اسىرۋ شەڭبەرىندە ىسكە اساتىنىن جەتكىزدى. 

ماسەلەن، وبلىسىمىزعا تەك وتكەن جىلى 143 ملرد. تەڭگە كولەمىندە ينۆەستيسيا تارتىلىپ، 58 جاڭا جوبا ىسكە اسىرىلا باستادى. ولاردىڭ  ۇشتەن ءبىرى (36%) شەتەلدىك ينۆەستورلاردىڭ قاتىسۋىمەن.  ال، جالپى وڭىرگە بۇگىنگى تاڭدا شەتەل كاپيتالىنان 48،3 ملرد. تەڭگە ينۆەستيسيا تارتىلسا، بولاشاقتا شەتەل ينۆەستيسياسىنان بولەك، وتاندىق كاسىپكەرلەردى دە تارتۋ كوزدەلىپ وتىر.

ينۆەستيسيا تارتۋدىڭ تاعى ءبىر تەتىگى – بۇل يندۋستريالدىق ايماقتار.

وتكەن جىلى قوسىمشا 3 يندۋستريالدىق ايماقتىڭ قۇرىلىسى اياقتالىپ، وسى جىلى تاعى 5ء-ىن ىسكە قوسۋ جوسپارلانۋدا. سونىمەن  وڭىردە جالپى 11 يندۋستريالدى ايماقتى  قۇراپ وتىر.

وسى ايماقتارعا ينۆەستيسيا كولەمى 145 ملرد. تەڭگەنى قۇرايتىن 142 جوبا ماقۇلدانىپ، ولاردىڭ 50ء-ى تولىق ىسكە قوسىلعان.

العاشقى اشىلعان «وڭتۇستىك» يندۋستريالدىق ايماعىندا ورنالاسقان كاسىپورىندار ەسەبىنەن بۇگىنگى كۇندە بيۋدجەتكە سالىق رەتىندە 4،4 ملرد. تەڭگە ءتۇسىپ، مەملەكەتتىڭ ينفراقۇرىلىمعا جۇمساعان 6،8 ملرد. تەڭگەنىڭ 65% بيۋدجەتكە قايتقان.          

ال كاسىپكەرلىكتى قولداۋ بويىنشا اكىمشىلىك بارەرلەردى ازايتۋعا كۇش سالىنىپ جاتىر. وسى ماقساتتا وبلىستا «ءبىر تەرەزە» ءپرينسيپى بويىنشا كاسىپكەرلەرگە قىزمەت كورسەتۋ ورتالىعى جۇمىس ىستەيدى. بارلىق اۋدان، قالالاردا كاسىپكەرلىك مەكتەپتەر اشىلعان. سونىمەن قاتار، قازاقستان بويىنشا ءبىزدىڭ وبلىستا عانا نەسيە بەرەتىن «ماكسيمۋم» ايماقتىق-ينۆەستيسيالىق ورتالىق جۇمىس ىستەيدى. ول ورتالىق – ەكىنشى دەڭگەيدەگى بانكتتەردەن پايىزدىق مولشەرى تومەن نەسيە بەرەدى.