حالىققا ەسەپ بەرگەن قاراعاندى وبلىسىنىڭ اكىمى جيىن ۇستىندە اعىلشىن تىلىندە سويلەپ، ەلدى تاڭ قالدىردى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.

قاراعاندىداعى كەنشىلەر سارايىندا وتكەن ەسەپ بەرۋ جيىنىنا وڭىردەگى كومپانيالاردىڭ ينۆەستورلارى دا شاقىرىلعان ەكەن.

«جاڭا كەزەڭ، جاڭا مىندەتتەر» دە پات قويىپ، ايدار تاعىلعان اكىم ەسەبىن تىڭداۋعا كەلگەندەر ءوڭىر باسشىسىنىڭ بۇرىن بەلگىسىز بولىپ كەلگەن ونەرىنە ءتانتى بولعان.

وبلىس اكىمى نۇرمۇحامبەت ابدىبەكوۆ تۇرعىندار اراسىندا اعىلشىن ءتىلىن مەڭگەرۋدىڭ تومەن كورسەتكىشتەرىنە توقتالعان.

«حالىقتىڭ بار بولعانى 4 پايىزى عانا اعىلشىن ءتىلىن بىلەدى. بۇل وتە از. ءبىراق، جاعداي جاقىن ۋاقىتتا تۇزەلەدى دەپ سەنەمىن. شەت ءتىلىن ءبىلۋ بىزگە ينۆەستيسيا تارتۋعا كومەكتەسەدى. قازىرگى تاڭدا «سارىارقا» ارنايى ەكونوميكالىق ايماعىنا وسىنداي جولمەن ءۇش جاڭا كومپانيا شاقىرتىلدى. ينۆەستيسيانىڭ جالپى قۇنى 21 ميلليارد تەڭگەنى قۇرايدى. وسى ءساتتى پايدالانا وتىرىپ، بىزبەن جۇمىس ىستەپ جاتقان جانە كەلەشەكتە بىرگە جۇمىس ىستەۋى مۇمكىن ينۆەستورلارعا اعىلشىن تىلىندە ءتىل قاتقىم كەلەدى»، - دەگەن ول بايانداماسىن اعىلشىنشا جالعاعان.

بۇعان دەيىن ن. ابدىبەكوۆتىڭ تاعى ءبىر ارىپتەسى، الماتى قالاسىنىڭ بۇرىنعى اكىمى احمەتجان ەسىموۆ اعىلشىنشا سويلەپ، جۇرتشىلىقتىڭ نازارىن اۋدارتقان ەدى.