بۇگىن، 20 اقپان كۇنى 20 ناۋرىزدا وتەتىن كەزەكتەن تىس ق ر پارلامەنتى ءماجىلىسى دەپۋتاتتارى  سايلاۋىنا قاتىساتىن ساياسي پارتيالار وزدەرىنىڭ ۇگت-ناسيحات جۇمىستارىن باستادى، - دەپ حابارلايدى «قامشى» پورتالى.

وسى ۋاقىتقا دەيىن ق ر ورتالىق سايلاۋ كوميسسياسى 234 كانديداتتى قامتيتىن التى ساياسي پارتيانىڭ ءتىزىمىن تىركەگەن ەدى. 
«ولاردىڭ ىشىندە 187 نەمەسە 79،9 پايىزى ەر ادام جانە 47 نەمەسە 20،1 پايىزى ايەل ادام. 233 كانديداتتىڭ جوعارى ءبىلىمى بار. ءاربىر ءتورتىنشىسى - ينجەنەر، ال ءاربىر بەسىنشىسى ەكونوميست نەمەسە زاڭگەر. 67 كانديدات (28،6 %) بەيمەملەكەتتىك مەنشىك نىسانىنداعى ۇيىمدار مەن كاسىپورىنداردىڭ قىزمەتكەرلەرى، 47ء-سى (20،1 %) - V شاقىرىلعان پارلامەنت ءماجىلىسىنىڭ دەپۋتاتتارى. تىركەلگەن كانديداتتاردىڭ ورتاشا جاسى - 52 جاس، ال ولاردىڭ ەڭ جاسى - 26 جاستا»، - دەگەن ەدى سايلاۋعا دايىندىق كەزەڭىن قورىتىندىلاعان ق ر وسك ءتوراعاسى قۋاندىق تۇرعانقۇلوۆ.
ەستەرىڭىزگە سالساق، ساياسي پارتيالاردىڭ سايلاۋالدى ۇگىت-ناسيحات جۇمىستارى 18 ناۋرىز كۇنى تۇنگى 00:00-دە  اياقتالادى.