جاقىندا YouTube جەلىسىندە «مەملەكەتتىك قىزمەتشى باحا ەسەنتايەۆ «كارلتون» كازينوسىندا» دەگەن ۆيدەو جاريالانعان ەدى. وندا باحا ەسىمدى الدەبىر ازاماتتىڭ كازينودا ۇلكەن سومادا ۇتىلىپ قالىپ، توبەلەس شىعارعانى كورسەتىلەدى. ۆيدەوداعى تيتردا وقيعانىڭ 2015 جىلدىڭ قىركۇيەگىندە بولعانى ايتىلادى.

ۆيدەوداعى جازبادان ۇقققانىمىزداي، اتالعان ازامات ويىنحانادا 40000 دوللار اقشاسىنان ۇتىلادى. بار ءوشىن كازينو قىزمەتكەرلەرى مەن كۇزەتشىلەردەن الماق بولادى. ۆيدەو سوڭىندا كۇزەتشىلەر ونى سىرتقا الىپ شىققانى كورىنەدى. الايدا، كازينو قىزمەتكەرلەرى توبەلەسكىش ويىنشىعا كۇش قولدانباعان.

ۆيدەوعا قالدىرىلعان پىكىرلەردىڭ بىرىندە ويىنحانادا توبەلەس شىعارعان ازاماتتىڭ قازاقستاندىق پروديۋسەر بايان ەسەنتايەۆانىڭ كۇيەۋى باقىتبەك ەسەنتايەۆقا ۇقسايتىنى ايتىلعان. ءبىراق، پروديۋسەردىڭ ماييا ەسىمدى كومەكشىسى ۆيدەوداعى جىگىتتىڭ باقىتبەك ەسەنتايەۆقا ەشقانداي قاتىسى جوق ەكەنىن ايتىپ، ۇقساستىقتى ۇزىلدى-كەسىلدى جوققا شىعارعان.

وسى جەردە ۆيدەونىڭ ءتۇرلى كامەرالاردان جازىلىپ، مونتاجدالعانىن ايتا كەتۋ كەرەك.