قازۇۋ-لىق "سۇڭقار" ستۋدەنتتەر كاسىپوداعى ءداستۇرلى تۇردە وتكىزەتىن "سۇڭقار كۋبوگى" كۆن ليگاسىنىڭ جارتىلاي فينالى ءوز مارەسىنە جەتتى،-دەپ حابارلايدى «قامشى» پورتالى.

ومىربەك جولداسبەكوۆ اتىنداعى ستۋدەنتتەر سارايىندا وتكەن «كوڭىلدى تاپقىرلار كلۋبىنىڭ» ازىلدەرىن تىڭداۋعا ستۋدەنتتەر مەن ماگيسترانتتار تەگىس جينالدى. كەشتە كورەرمەندەرگە ستۋدەنتتەردەن بولەك، «ۇلتتىق قۇراما» ءازىلقويلارى ونەر كورسەتتى. كوڭىلدى كەشتى ءازىل الەمىنىڭ مايتالمانى داستان جايناق تىزگىندەدى.

ءىس-شاراعا بارلىعى 9 كوماندا قاتىستى. كوڭىلدى تارتىس قورىتىندىسى بويىنشا 5 كوماندا فينالعا جولداما الدى. ولاردىڭ ىشىندە مەحانيكا-ماتەماتيكا فاكۋلتەتىنىڭ "مەحمات قۇراماسى"، "دارىندى تۇلەكتەر"، زاڭ فاكۋلتەتىنىڭ "باكە، ماكە، شاكە"، فيزيكا-تەحنيكالىق فاكۋلتەتىنىڭ "فيزتەح قۇراما"، تاڭ قالدىرۋدان جالىقپايتىن فيلولوگيا، ادەبيەتتانۋ جانە الەم تىلدەرى فاكۋلتەتىنىڭ "تاڭ قالماڭىز" كۆن كوماندالارى سۋىرىلىپ شىعىپ، "سۇڭقار كۋبوگى" كۆن ليگاسىنىڭ فينالدىق ويىندارىندا باقتارىن سىناۋعا مۇمكىندىك الدى.

جارتىلاي فينالدىڭ قورىتىندىسى بويىنشا جۋرناليستيكا فاكۋلتەتىنىڭ "اينالايىن" كۆن كومانداسىنىڭ مۇشەسى - باقىتنۇر وسپانوۆا "ميس كۆن"، ال "دارىن تۇلەكتەرى" كۆن كومانداسىنىڭ مۇشەسى ابزال قامباروۆ "ميستەر كۆن" نوميناسياسىنا يە بولدى. ال ەڭ ۇزدىك جانكۇيەرلەر نوميناسياسىن مەحانيكا-ماتەماتيكا فاكۋلتەتىنىڭ جالىندى ستۋدەنتتەرى قانجىعالادى.