بۇگىن استاناداعى ورتالىق كوممۋنيكاسيالار قىزمەتىندە بريفينگ وتكىزگەن وڭتۇستىك قازاقستان وبلىسىنىڭ اكىمى بەيبىت اتامقۇلوۆ تۇتقىنعدالعان شىمكەنتتىك كاسىپكەر ت. تولەشوۆ تۋرالى پىكىر ءبىلدىردى، - دەپ حابارلايدى «قامشى» پورتالى.

«بۇل وقيعانىڭ رەسپۋبليكا دەڭگەيىندەگى ەمەس، ءبىزدىڭ ءوڭىر ءۇشىن عانا شۋلى وقيعا دەر ەدىم. بۇل ماسەلەگە، ارينە، قۇقىققورعاۋ ورگاندارى كوبىرەك توقتالا جاتار»، - دەگەن وبلىس باسشىسى كاسىپكەرگە تيەسىلى سىرا زاۋىتى جۇمىسشىلارىنىڭ ەڭبەكاقى ماسەلەسىن ءجىتى نازاردا ۇستاپ وتىرعاندارىن ايتتى.

«كاسىپورىن جۇمىس ىستەپ تۇر. بىلتىرعى جىلى جەلتوقسان ايىنا دەيىن جۇمىسشىلارىنا 27 ميلليون تەڭگە قارىزدارى بولعان. ءقازىر بۇل سوما ازايىپ كەلەدى. وسى كۇنگە دەيىن 10 ميلليون تەڭگەسى تولەنگەن. بۇل جانە ماۋسىمدىق ماسەلە. قىس ايلارىندا ولاردىڭ ونىمدەرى قىسقارادى. ماسەلەنى ەڭبەك ينسپەكسياسى باقىلاپ وتىر»، - دەدى ب. اتامقۇلوۆ.