پروديۋسەر بايان ەسەنتايەۆا ءانشى تورەعالي تورەالىنىڭ اكەسى ءھام پروديۋسەرى تورەالى تولەپكە سىن ايتتى. تورەالى تولەپ بۇعان دەيىن «ەل اۋزىندا» باعدارلاماسىنا قاتىسىپ، وندا ءانشى ەركە ەسماحان «اللو» ءانى ارقاسىندا تانىمالدىلىققا يە بولدى دەگەن وي ايتقان ەدى، - دەپ حابارلايدى «قامشى» پورتالى NUR.KZ – كە سىلتەمە جاساپ.

بايان ءوز پاراقشاسىندا تورەعاليدىڭ اكەسىنە رەنجۋلى ەكەنىن اشىق بايقاتقان جازبا قالدىردى.

"مەنىڭ ارىپتەسىم تورەالى وزگە ارتىستەر ءۇشىن جاۋاپكەرشىلىكتى تىم ءجيى وزىنە العاندى جاقسى كورەدى. "اللو" - بۇل ورتاق تۋىندى. ءاندى تورەعالي ۇسىندى، ال كليپ ءتۇسىرۋ يدەياسى مەنىكى، بىرگە ويىمىز كەرەمەت جۇزەگە استى. ەركەنىڭ تورەعالي سەكىلدى ساحنادا جەكە ءان ايتىپ جۇرگەنىنە ەكى جىل بولدى. وزگەنىڭ ەڭبەگىن سىيلاي ءبىلۋ كەرەك دەپ ويلايمىن، قۇرمەتتى ارىپتەسىم تورەالى، مەن دە جۇگەرى كۇزەتىپ وتىرعان ادام ەمەسپىن. كليپتى 9 ملن-نان استام ادام قارادى، ولارعا انمەن ۇيلەسكەن بۇل وقيعا ۇنايدى، ال ءسىزدى كليپ تۇسىرگەندە كورگەن ەشكىم جوق. ءسىز ارمانداپ كورمەگەن كليپكە قول جەتكىزدىڭىز. سول سەبەپتى، ورتاق ەڭبەكتى قۇرمەتتەيىك. ەركە داۋىسى كەرەمەت ءانشى، ءوزىنىڭ تابىنۋشىلارىن دا جيناپ ۇلگەرگەن. ولاي بولماعان جاعدايدا تورەعالي وعان دۋەت بولىپ شىعۋ ۇسىنىسىن جاساماس ەدى. ءبىز كەلىسۋ-كەلىسپەۋ جاعىن ۇزاق ويلانعان ەدىك"، - دەپ جازعان بايان.

باياننىڭ بۇل جازباسىنا پىكىر قالدىرعانداردىڭ دەنى ونىڭ سوزىنە قوسىلاتىنىن جازعان. جەلى قولدانۋشىلارى "تورەعالي تورەالىنىڭ جۇلدىز اۋرۋىنا شالدىققانىن" ايتىپ، ەركەنىڭ ولارمەن سالىستىرعاندا ناعىز دارىن يەسى ەكەنىن ءسوز ەتكەن.

ايتا كەتەرلىگى، جاقىندا بايان ەسەنتايەۆا ەركە مەن تورەالىنىڭ "اللو" بەينەبايانىنا فيلم تۇسىرىلەتىنىن مالىمدەگەن بولاتىن. بۇل جايتتان كەيىن ەكى تاراپتىڭ ەندى ورتاق تۋىندى جاساۋ-جاساماۋى ۋاقىتتىڭ ەنشىسىندە بولىپ وتىر.