الماتى قالاسى اكىمدىگىنە قالالىق 9 مامىر - جەڭىس كۇنى مەرەكەسىن استانا الاڭىندا وتكىزۋدى ۇسىنامىن. نەگە جىل سايىن جەڭىس كۇنى مەيرامىندا كەڭەس وداعىنىڭ باتىرلارى ءاليا مولداعۇلوۆا مەن مانشۇك مامەتوۆانىڭ ەسكەرتكىشتەرى جەتىم قىزدىڭ كۇيىن كەشۋ كەرەك؟ نەگە باتىرلارعا لايىقتى قۇرمەت كورسەتىلمەيدى؟ بۇل - ءبىر.
ەكىنشىدەن، 28 پانفيلوۆشى اتىنداعى ساياباق قالانىڭ ورتاسىندا جانە اۋماعى ۇلكەن ەمەس. جىلدا مەيرامعا جينالعان ادامدار سىعىلىسىپ زورعا جۇرەدى، كولىكپەن ءوتۋ ءتىپتى مۇمكىن ەمەس. بىلتىرلارى حالىقتىڭ كوپتىگىنەن ادامدار ءبىرىن-بىرى تاپتاي جازدادى، ناتيجەسىندە بىرنەشە ارداگەر ءسۇرىنىپ قۇلاپ، دەنساۋلىقتارىنا زيان كەلتىرىپ جاتتى. بيىل دا سونداي كەپتەلىستەردىڭ بولماۋىنا كىم كەپىل؟ قالا باسشىلىعىنىڭ ەڭ الدىمەن تۇرعىنداردىڭ قاۋىپسىزدىگىن ويلاۋى ماڭىزدى ەمەس پە؟
استانا الاڭىن كولىكتەن جاۋىپ تاستاساق، حالىقتىڭ ەمىن-ەركىن جينالۋىنا، ۇلكەن ساحنا قۇرىپ، كونسەرت بەرۋگە جانە ءاليا مەن مانشۇك ەسكەرتكىشىنە گۇل شوقتارىن قويۋعا تولىق مۇمكىندىك بولادى. حالىق سىيماي، ءبىرىن-بىرى تاپپاۋعا جول بەرىلمەيدى.
نويابر كەنجەعارايەۆ
