«استانا ەكسپو-2017» ۇلتتىق كومپانياسىنىڭ باسشىسى احمەتجان ەسىموۆ پەن جەمقورلىققا قارسى ءىس-قيمىل جونىندەگى ۇلتتىق بيۋرو باسشىسى قايرات قوجامجاروۆ ارىپتەستىك تۋرالى كەلىسىمگە قول قويدى، - دەپ حابارلايدى «قامشى» پورتالى.
كومپانيا باسشىلىعىنىڭ ايتۋىنشا، بۇل كەلىسىم كورمەگە جاۋاپتى مەكەمە جۇمىسىنداعى جەمقورلىقتىڭ تامىرىنا بالتا شاۋىپ، حالىقارالىق ءىس-شارانىڭ لايىقتى دەڭگەيدە وتۋىنە ىقپال ەتەتىن كورىنەدى.
«تاراپتار «استانا ەكسپو-2017» ۇلتتىق كومپانياسىنىڭ جۇمىسىندا، ونىڭ ىشىندە كورمە نىساندارىن جوبالاۋ مەن سالۋ ىسىندە اشىقتىقتى قامتاماسىز ەتۋ ءۇشىن، جەمقورلىققا قارسى مادەنيەت قالىپتاستىرۋدا ارىپتەستىك ورناتۋعا مىندەتتەمە الدى»، - دەلىنگەن ۇلتتىق كومپانيا باسپا ءسوز قىزمەتى تاراتقان حابارلامادا.
