الماتى ۋنيۆەرسيتەتىندە «بولاشاق مامانداردىڭ عىلىمي-زەرتتەۋ مادەنيەتىن قالىپتاستىرۋ» اتتى ستۋدەنتتەر مەن جاس عالىمداردىڭ II-رەسپۋبليكالىق عىلىمي-پراكتيكالىق كونفەرەنسيا ءبولىپ ءوتتى، - دەپ حابارلايدى Qamshy.kz.
كونفەرەنسيانىڭ سالتاناتتى اشىلۋىندا ۋنيۆەرسيتەت رەكتورى شىلدەباي ءسابيت قامىتبەك ۇلى:
- قۇرمەتتى، كونفەرەنسياعا قاتىسۋشى وقىتۋشىلار مەن ستۋدەنتتەر! الماتى ۋنيۆەرسيتەتى «بولاشاق مامانداردىڭ عىلىمي-زەرتتەۋ مادەنيەتىن قالىپتاستىرۋ» اتتى كونفەرەنسيانى بيىلعى جىلى وسىمەن ەكىنشى رەت وتكىزىپ وتىر. ءبىزدىڭ باستى ماقساتىمىز-جاستاردىڭ عىلىمعا دەگەن قۇلشىنىسىن ارتتىرۋ. بۇگىنگى سىزدەردىڭ جاسايتىن باياندامالارىڭىز ەرتەنگى كۇنى ءسىزدىڭ عىلىمعا ەنگىزەر جاڭالىعىڭىز بولۋى ابدەن مۇمكىن. ول ءۇشىن تاڭداعان تاقىرىبىمىزدى عىلىمي اينالىمعا ءتۇسىرىپ، باستاعان ءىسىمىزدى سوڭىنا دەيىن جەتكىزۋىمىز كەرەك. بۇگىنگى كونفەرەنسياعا قاتىسۋ-ول سىزدەردىڭ عىلىمعا باسقان العاشقى قادامدارىڭىز دەپ بىلەمىن. بولاشاقتا قازاق عىلىمىنا ايانباي تەر توككەن بىلىكتى مامان بولۋلارىڭىزعا تىلەكتەستىك بىلدىرەمىن»،-دەپ ءسوز سويلەدى.
اشىلۋ راسىمىنەن كەيىن پلەننارلىق وتىرىستا باعدارلاما بويىنشا وزەكتى دەگەن تاقىرىپتار بويىنشا بايانداما تىڭدالدى. العاشقى ءسوز سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتىنەن كەلگەن قوناقتارعا بەرىلدى. اتالعان جوو «باستاۋىش وقىتۋدىڭ پەداگوگيكاسى مەن ادىستەمەسى» ماماندىعىنىڭ 3 كۋرس ستۋدەنتى بەرىكبول قىزى جادىرا «قازىرگى كەزدەگى الەم-ينتەرنەتكە تاۋەلدىلىك» تاقىرىبىندا، «پسيحولوگيا» ماماندىعىنىڭ 2 كۋرس ستۋدەنتى ماليكراموۆا اقبوتا «ستۋدەنت تۇلعاسىنىڭ موتيۆاسيالىق ايماعى زەرتتەۋ ماسەلەسى رەتىندە» اتتى تاقىرىپتا ءسوز قوزعادى. الماتى ۋنيۆەرسيتەتىنىڭ «باستاۋىش وقىتۋدىڭ پەداگوگيكاسى مەن ادىستەمەسى» ماماندىعىنىڭ 3 كۋرس ستۋدەنتى قابدىراحمانوۆا ارايلىم «وزىندىك جۇمىس ارقىلى باستاۋىش سىنىپ وقۋشىلارىنىڭ تانىمدىق قابىلەتىن دامىتۋ» تاقىرىبىندا ۇلكەن ماسەلە كوتەردى.
تۇستەن كەيىن سەكسيالىق وتىرىستا دا ماماندىق بويىنشا باياندامالار تىڭدالدى. ءسويتىپ جەڭىمپازدار انىقتالدى. كونفەرەنسيانىڭ سالتاناتتى جابىلۋىندا كونفەرەنسياعا قاتىسۋشىلاردى جانە جەڭىمپازداردى ۋنيۆەرسيتەت رەكتورى ماراپاتتادى.
